KXIP vs MI:...म्हणून ट्विटरवर प्रिती झिंटा ट्रेंडमध्ये

नवी दिल्ली : रविवारी दुबईच्या मैदानावर मुंबई इंडियन्स आणि किंग्स इलेव्हन पंजाब मध्ये ऐतिहासीक सामना रंगला होता. आपीएलच्या यंदाच्या हंगामातील प्रबळ दावेदार मानल्या जाणाऱ्या मुंबई संघाला रविवारच्या सामन्यात मात्र पराभव पत्कारावा लागला. यामुळे पंजाब संघाचा पुढचा मार्ग मोकळा झाला आहे. या सामन्या दरम्यान अभिनेत्री प्रिती झिंटा देखील स्टेडियमध्ये उपस्थित होती. सामन्यादरम्यान ती अत्यंत तणावात दिसत होती. परंतु विजयानंतर तिच्या चेहऱ्यावर आनंदाचे वातावरण होते . 

सांगायचं झालं तर, प्रितीची उपस्थिती सोशल मीडियावर क्रिकेट चाहत्यांनी कमालीची अनुभवली आहे. त्यामुळे ही बॉलिवूड अभिनेत्री सोशल ट्विटरवर चांगलीचं ट्रेंड होत आहे. एका युजर ट्विट करत म्हणत आहे की, 'ज्या लोकांनी आजचा ऐतिहासीक रंजक सामना पाहिला नाही त्यांच्यासाठी २ मिनिटांचा मौन.. ' शिवाय मी प्रिती झिंटासाठी खूश असल्याचं देखील तो म्हणाला आहे. 

सोशल मीडियावर प्रिती झिंटासाठी अनेक पोस्ट व्हायरल होत आहेत. परिणामी सोशल मीडियावर प्रिती ट्रेंड होत आहे. यापूर्वी यंदाच्या हंगामात खेळल्या गेलेल्या या दोन संघांच्या पहिल्या सामन्यात मुंबईने किंग्ज इलेव्हनच्या संघाला ४८ धावांनी पराभूत केले. 

तर, रविवारी इतिहासात अनोखा रेकॉर्ड नोंदवण्यात आला. मुंबई विरूद्ध पंजाबच्या सामन्यात मुंबईने पंजाबला १७७/६ धावांच लक्ष दिलं. याचा पाठलाग करत किंग्स इलेव्हन पंजाबची १७६ धावा करून टाय झालं. यानंतर दोन सुपर ओव्हर झाली. ज्यामध्ये पंजाबने उत्तम खेळ दाखवत दणदणीत विजय मिळवला.