Home
/स्पोर्ट्स
/रवींद्र जडेजाच्या बहिणीने केली मोठी मागणी, सरकारकडून भावाला हा सन्मान देण्याची व्यक्त केली इच्छा

रवींद्र जडेजाच्या बहिणीने केली मोठी मागणी, सरकारकडून भावाला 'हा' सन्मान देण्याची व्यक्त केली इच्छा

Ravindra Jadeja Sister : भारत विरुद्ध इंग्लंड दौऱ्यात रवींद्र जडेजा फलंदाजी आणि गोलंदाजी या दोन्ही विभागात उत्तम कामगिरी करत आहे. अशातच त्याच्या बहिणीने सरकारकडे आपल्या भावाचा सन्मान व्हावा यासाठी मोठी मागणी केलीये.

Published: Jul 31, 2025, 04:31 PM IST|Updated: Jul 31, 2025, 04:31 PM IST

रवींद्र जडेजाच्या बहिणीने केली मोठी मागणी, सरकारकडून भावाला 'हा' सन्मान देण्याची व्यक्त केली इच्छा

Ravindra Jadeja Sister : भारताचा स्टार ऑल राउंडर रवींद्र जडेजा (Ravindra Jadeja) हा सध्या सुरु असलेल्या भारत विरुद्ध इंग्लंड (India VS England) टेस्ट सीरिजमध्ये जबरदस्त कामगिरी करतोय. मँचेस्टरमध्ये झालेल्या टेस्ट सामन्याच्या शेवटच्या दिवशी त्याने भारतासाठी फलंदाजी करताना शतक सुद्धा ठोकलं. अशातच आता जडेजाची बहीण नैना हिने रवींद्र जडेजाला एक सन्मान देण्यात यावा अशी मागणी सरकारकडे केलीये.

जडेजाच्या बहिणीने काय केली मागणी?

इंग्लंड दौऱ्यात रवींद्र जडेजाने जबरदस्त परफॉर्मन्स दिला. यानंतर जडेजाची बहीण नैना हिने माजी क्रिकेटर अजय जडेजाने रवींद्र जडेजाची केलेली मागणी पुन्हा केली. जिथे त्याने जामनगरच्या 'सात रस्ता' चं नाव ऑलराउंडर रवींद्र जडेजाच्या नावावर ठेवलं जावं अशी मागणी केली होती. रवींद्र जडेजाने इंग्लंड विरुद्ध सुरु असलेल्या टेस्टमध्ये 454 धावा केल्या तसेच 7 विकेट सुद्धा मिळवले. जडेजाची बहीण भाऊ रवींद्रच्या या कामगिरीने खुश झालीये.

काय म्हणाली नैना जडेजा?

रवींद्र जडेजाची बहीण नैना म्हणाली की, 'आम्हाला त्याच्यावर गर्व आहे. आम्ही खुश आहोत की रवींद्र जडेजा हा भारतासाठी उत्तम परफॉर्म करतोय'. पुढे नैना म्हणाली की, 'माजी क्रिकेटर अजय जडेजाने म्हटले की, जामनगरच्या 'सात रस्ता' चं नाव बदलून रवींद्र जडेजा ठेवावं. ते आमचे युवराज आहेत. हे आमच्यासाठी खरंच खूप गर्वाची गोष्ट आहे. मी आशा करते की यावर जामनगर महानगरपालिका लक्ष देईल. जामनगरमधून अनेक क्रिकेटर्स निघाले आहेत. त्यांना उच्च सन्मान मिळायला हवा. त्यामुळे महानगरपालिकेला पुन्हा एकदा विचार करायला हवा.

हेही वाचा : IPL 2026 पूर्वी केएल राहुल संघ बदलणार? कर्णधारपदासह मिळणार 25 कोटी रुपये, कोणी दिली ऑफर?

अजय जडेजाचे मानले आभार :

नैना जडेजाने माजी क्रिकेटर अजय जडेजाचे आभार मानले. ते म्हणाले की, 'मी आशा करते की जामनगर महापालिका या मागणीकडे लक्ष देईल. गुजरात सरकार आणि जामनगर महानगरपालिकेने ज्याकडे लक्ष दिले नाही त्याकडे लक्ष दिल्याबद्दल मी अजय जडेजाचे आभार मानू इच्छिते'.

रवींद्र जडेजाची कारकीर्द :

रवींद्र जडेजाने आतापर्यंत भारताकडून 85 टेस्ट, 204 वनडे तर 74 टी 20 सामने खेळले आहेत. टेस्ट क्रिकेटमध्ये त्याने 3824 धावा केल्या असून वनडेमध्ये त्याने 2806 धावा केल्या आहेत. तर टी 20 सामन्यात 515 धावा केल्या आहेत.

Add Zee News as a Preferred Source

TAGS:

About the Author

Pooja Pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना ५ वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. त्यांनी आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.

प्रिंट मीडिया ते डिजिटल पर्यंतची कारकीर्द:

पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.

पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.

शैक्षणिक पात्रता

पूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.