Rohit Sharma : भारताचा टी २० वर्ल्ड कप आणि चॅम्पियन्स ट्रॉफी अशा दोन आयसीसी ट्रॉफी जिंकून देणाऱ्या कर्णधार रोहित शर्माबाबत माजी सेलेक्टरने मोठा खुलासा केलाय.
)
Rohit Sharma : मागील अनेक वर्षांपासून टीम इंडियाचा (Team India) आयसीसी ट्रॉफीचा दुष्काळ संपवणाऱ्या रोहित शर्माची (Rohit Sharma) चर्चा सुरु आहे. पहिले चॅम्पियन्स ट्रॉफी जिंकून रोहितने भारताला टी 20 वर्ल्ड कपनंतर पुन्हा एकदा चॅम्पियन बनवलं. त्यानंतर टेस्टमधून तडकाफडकी निवृत्ती घेऊन पुन्हा एकदा तो चर्चेत आला होता. आता रोहितबाबत अजून एक खुलासा समोर आलेला आहे. भारताचे माजी सिलेक्टरने सांगितलं की चॅम्पियन्स ट्रॉफी दरम्यान रोहित शर्मा हा दुखापतग्रस्त होता. मात्र तरी देखील त्याने भारतीय संघाचं यशस्वीपणे नेतृत्व केलं आणि फलंदाज म्हणून सुद्धा चांगली भूमिका निभावली याच त्यांनी कौतुक केलं.
चॅम्पियन्स ट्रॉफीमध्ये टीम इंडियाने विजेतेपद जिंकले. भारतीय संघाकडून कर्णधार रोहित शर्माने सुद्धा जबरदस्त प्रदर्शन केलं. भारताने फायनलमध्ये न्यूझीलंडवर 4 विकेटने विजय मिळवला. यापूर्वी कर्णधार रोहित शर्माने टी20 वर्ल्ड कप 2024 मध्ये आयसीसी ट्रॉफी जिंकली होती. त्या दरम्यान भारताने साऊथ आफ्रिकेविरुद्ध जबरदस्त विजय मिळवला होता.
टाइम्स ऑफ इंडियाच्या रिपोर्टनुसार भारतीय संघाचे माजी सिलेक्टर जतिन परांजपेने खुलासा केला की, 'रोहित शर्मा चॅम्पियन्स ट्रॉफी दरम्यान दुखापतग्रस्त होता. त्याने म्हटले की, 'मला वाटतं त्याने काही वर्ष अजून खेळायला हवं होतं. रोहित शर्मा मागील चार ते पाच महिन्यांपासून हॅमस्ट्रिंगच्या दुखापतीमुळे त्रस्त होते. त्यांना जास्त आराम मिळाला नाही. मला वाटतं की तो थोडावेळ अजून खेळू शकला असता कारण तो जबरदस्त बॅटिंग करत होता. आपल्याला माहितीये की तो 10, 15 आणि 20 धावा करायचा. पण त्याचे हुक शॉट त्याची ओळख होती आणि ते खरोखरच कमाल होते'.
रोहित शर्मा आणि विराट कोहली टेस्ट आणि टी 20 फॉरमॅटमधून निवृत्त झाले आहेत. आता फॅन्स फक्त वनडे सामन्यांमध्ये त्यांना खेळताना पाहू शकतात. विराट आणि रोहित लवकरच लिमिटेड ओव्हरच्या फॉरमॅटमध्ये खेळताना दिसू शकतात. श्रीलंका क्रिकेटने बीसीसीआयला 6 सामन्यांच्या सीरिजची ऑफर दिली आहे. रिपोर्ट्सनुसार याबाबत बीसीसीआय सकारात्मक आहे.
