IND vs ENG 2nd Test: शुभमन गिलची दमदार डबल सेंच्युरी; मोडला 35 वर्षे जुना विक्रम, ठरला पहिला भारतीय फलंदाज
Shubman Gill Double Century: भारतीय कसोटी संघाचा कर्णधार आणि स्टार युवा फलंदाज शुभमन गिलने एजबॅस्टन मैदानावर इतिहास रचला आहे. भारत आणि इंग्लंड यांच्यातील दुसऱ्या कसोटी सामन्याच्या दुसऱ्या दिवशी त्याने द्विशतक झळकावले आहे.
 "IND vs ENG 2nd Test: शुभमन गिलची दमदार डबल सेंच्युरी; मोडला 35 वर्षे जुना विक्रम, ठरला पहिला भारतीय फलंदाज")
India vs England 2nd Test Day 2: एजबॅस्टनच्या मैदानावर भारतीय कर्णधार शुभमन गिलनं इंग्लंडविरुद्ध दुसऱ्या कसोटी सामन्यात जबरदस्त द्विशतक ठोकलं. या द्विशतकासह त्याने एकापाठोपाठ विक्रमांची मालिका रचली. या खेळीमधून गिलनं ना फक्त भारताला भक्कम स्थितीत आणलं, तर मोहम्मद अझरुद्दीनचा 35 वर्षांपूर्वीचा जुना विक्रमही मोडीत काढला आहे. शुभमन गिलनं त्याच्या डावात 311 चेंडूंत 200 धावा केल्या. यामध्ये त्याच्या बॅटमधून 21 चौकार आणि 2 जबरदस्त षटकार निघाले. हा त्याच्या कसोटी कारकिर्दीतील सर्वोच्च वैयक्तिक स्कोअर ठरला आहे.
इंग्लंडमध्ये द्विशतक ठोकणारा पहिला भारतीय कर्णधार
शुभमन गिल आता इंग्लंडच्या भूमीवर कसोटीत द्विशतक करणारा पहिला भारतीय कर्णधार ठरला आहे. याआधी मोहम्मद अझरुद्दीननं 1990 साली 179 धावा केल्या होत्या. या विक्रमालाही शुभमन गिलनं मागे टाकलं आहे.
इंग्लंडमधील भारतीय कर्णधारांचे सर्वोच्च टेस्ट स्कोअर
224 - शुभमन गिल (2025)*
179 - मोहम्मद अझरुद्दीन (1990)
149 - विराट कोहली (2018)
Maiden DOUBLE-CENTURY for Shubman Gill in Test Cricket!
What a knock from the #TeamIndia Captain!
Updates https://t.co/Oxhg97g4BF#ENGvIND | @ShubmanGill pic.twitter.com/JLxhmh0Xcs
— BCCI (@BCCI) July 3, 2025
सेना (SENA) देशांतील (South Africa, England, New Zealand, Australia) कसोट्यांमध्ये भारतीय कर्णधारांचे सर्वोच्च वैयक्तिक स्कोअर करणारे खेळाडू कोण आहेत ते बघुयात.
200 - शुभमन गिल, इंग्लंड (2025)*
192 - अझरुद्दीन, न्यूझीलंड (1990)
179 - अझरुद्दीन, इंग्लंड (1990)
169 - सचिन तेंडुलकर, दक्षिण आफ्रिका (1997)
153 - विराट कोहली, दक्षिण आफ्रिका (2018)
149 - विराट कोहली, इंग्लंड (2018)
कर्णधार म्हणून गिलची दमदार सुरुवात
रोहित शर्माच्या कसोटी क्रिकेटमधून निवृत्तीनंतर शुभमन गिलकडे कसोटी संघाचं नेतृत्व सोपवण्यात आलं. पहिल्याच कसोटीत, लीड्समध्ये, गिलनं जोरदार 227 चेंडूत 147 धावा केल्या होत्या.
Leading from the front
First Indian Captain to register a double-century in Test cricket in England
Updates https://t.co/Oxhg97g4BF#ENGvIND | @ShubmanGill pic.twitter.com/Pm7pq7GRA9
— BCCI (@BCCI) July 3, 2025
दुसऱ्या डावात जरी गिल फक्त 8 धावा करून बाद झाला असला, तरी दुसऱ्या कसोटीत त्यानं केलेल्या द्विशतकाने तो भारताच्या कसोटी इतिहासात एक वेगळंच स्थान मिळवून गेला आहे.
Tejashree Gaikwad
तेजश्री गायकवाड- कदम 'झी 24 तास डिजीटल'मध्ये सिनियर सब एडिटर म्हणून कार्यरत आहेत. त्यांना मीडिया क्षेत्राचा 9 वर्षांचा अनुभव आहे. लोकसत्तामधून त्यांनी कारकिर्दीची सुरुवात केली. लोकसत्ताच्या Viva पुरवणीमधून 7 वर्ष विविध विषयांवर लिखाण केले आहे. दैनिक भास्करच्या 'मधुरिमा' मधून फॅशन विषयांवर लिखाण केले आहे. 'झी 24 तास'च्या आधी त्यांनी नवशक्ती (फ्री प्रेस जर्नल), हिंदुस्थान टाइम्स मराठी डिजिटल, लोकसत्ता ऑनलाईन या वृत्तसंस्थेत लिखित बातम्या आणि व्हिडीओ अशा दोन्ही फॉरमॅटमध्ये काम केले आहे. 2018 ते 2023 पर्यंत मुंबई आकाशवाणीमध्ये व्हॉइस ओव्हर आर्टिस्ट आणि कॉन्टेन्ट रायटर म्हणून काम केले आहे. फॅशन, लाइफस्टाईल, मनोरंजन आणि स्पोर्ट्स या विविध विषयांमध्ये रुची आहे.
...Read More