Home
/स्पोर्ट्स
/नाव मोठं आणि लक्षण खोटं! IPL 2025 मध्ये फुसका बार ठरतायत हे पॉवर हिटर फलंदाज, संघांचे करोडो रुपये पाण्यात

नाव मोठं आणि लक्षण खोटं! IPL 2025 मध्ये फुसका बार ठरतायत हे पॉवर हिटर फलंदाज, संघांचे करोडो रुपये पाण्यात

IPL 2025 : आंतरराष्ट्रीय क्रिकेटमधील सर्वात मोठे पॉवर हिटर असणारे फलंदाज हे आयपीएल 2025 मध्ये खेळत आहेत. त्यांना संघात घेण्यासाठी फ्रेंचायझींनी करोडो रुपये खर्च केले. परंतु या सीजनमध्ये त्यांच्या बॅटीतून चांगल्या धावा निघत नाहीयेत.

Written ByPooja Pawar

Published: Apr 24, 2025, 04:20 PM IST|Updated: Apr 24, 2025, 04:20 PM IST

join share

नाव मोठं आणि लक्षण खोटं! IPL 2025 मध्ये फुसका बार ठरतायत हे पॉवर हिटर फलंदाज, संघांचे करोडो रुपये पाण्यात

Image Credit: (Photo Credit : Social Media)Source: Bureau

IPL 2025 : सध्याच्या घडीला आंतरराष्ट्रीय क्रिकेटमधील सर्वात मोठे पॉवर हिटर असणारे फलंदाज हे आयपीएल 2025 (IPL 2025) मध्ये खेळत आहेत. त्यांना संघात घेण्यासाठी फ्रेंचायझींनी करोडो रुपये खर्च केले. परंतु या सीजनमध्ये त्यांच्या बॅटीतून चांगल्या धावा निघत नाहीयेत. ज्यामुळे या स्टार फलंदाजांविषयी नाव मोठं आणि लक्षण खोटं अशी म्हणण्याची वेळ आलीये.

आंद्रे रसेल :

आयपीएल 2025 मध्ये अनेक हिटर फलंदाज मोठ्या धावा करण्यात अयशस्वी ठरतायत. यातील एक मोठं नाव आहे आंद्रे रसेल याचं. जबरदस्त फलंदाजी करणारा आंद्रे रसेल सध्या आयपीएलमध्ये धावा करण्यात संघर्ष करतोय. कोलकाता नाईट रायडर्स कडून खेळत असताना आंद्रे रसेल याने 6 सामन्यात फक्त 55 धावा केल्या आहेत. त्याचा स्ट्राईक रेट 119.57 आहे.

ऋषभ पंत :

ऋषभ पंतला लखनऊ सुपर जाएंट्सने 27 कोटींना करार बद्ध केलं. पंत एक विस्फोटक गोलंदाज म्हणून ओळखला जातो. परंतु यंदाच्या आयपीएलमध्ये तो सर्वांची निराशा करत असून 8 सामन्यात त्याने केवळ 106 धावा केल्या आहेत. त्याचा स्ट्राईक रेट 96.37 आहे.

हेही वाचा : क्रिकेटच्या देवाचं घर! 100 कोटींच्या 'या' घरात असं काय आहे खास? फोटो पाहून थक्क व्हाल

ग्लेन मॅक्सवेल :

ग्लेन मॅक्सवेल फलंदाजीत काय करू शकतो हे वर्ल्ड कप 2023 मध्ये अफगाणिस्तान विरुद्धच्या सामन्यात सर्वांनीच पाहिले. ग्लेन मॅक्सवेल पंजाब किंग्सकडून खेळत असून 6 सामन्यात त्याने 8.2 च्या सरासरीने 41 धावा केल्या आहेत. त्याचा स्ट्राईक रेट 100 आहे.

डेविड मिलर :

डेविड मिलरने आयपीएलमध्ये दमदार फलंदाजी करून अनेक सामने जिंकले आहेत मात्र यंदा तो संघर्ष करताना दिसतोय. लखनऊकडून खेळताना 9 सामन्यात त्याने 27 च्या सरासरीने 122.92 च्या स्ट्राईक रेटने 118 धावा करतोय.

लियाम लिविंगस्टोन :

लियाम लिविंगस्टोन याला रॉयल चॅलेंजर्स बंगळुरुने यंदा आयपीएल ऑक्शनमधून करारबद्ध केलं. सलामी फलंदाज म्हणून येणारा लियाम लिविंगस्टोन याने 7 सामन्यात आतापर्यंत 17.4 च्या सरासरीने 87 धावा केल्या.

ईशान किशन :

ईशान किशन याने आयपीएल 2025 च्या पहिल्याच शतक लगावले. मात्र त्यानंतर त्याच्या बॅटमधून समाधानकारक धावा निघाल्या नाहीत. 8 सामन्यांमध्ये 23.17 च्या सरासरीने 139 धावा केल्या. मागील ७ सामन्यात त्याच्या बॅटमधून केवळ 33 धावा केल्या.

Add Zee News as a Preferred Source

TAGS:

About the Author

Pooja Pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना ५ वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. त्यांनी आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.

प्रिंट मीडिया ते डिजिटल पर्यंतची कारकीर्द:

पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.

पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.

शैक्षणिक पात्रता

पूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.