टीम इंडियाच्या Champions Trophy संघात स्टार खेळाडूंचं कमबॅक, मात्र चिंतेचं एकमेव कारण...

Champions Trophy 2025 : मागील अनेक महिन्यांपासून टीम इंडियाचा भाग असलेल्या मोहम्मद शमी, कुलदीप यादव, श्रेयस अय्यर यांना संधी दिली आहे. मात्र अशात टीम इंडियासाठी चिंतेचं एकमेव कारण समोर आलं आहे. 

पूजा पवार | Updated: Jan 18, 2025, 03:59 PM IST
टीम इंडियाच्या Champions Trophy संघात स्टार खेळाडूंचं कमबॅक, मात्र चिंतेचं एकमेव कारण...
(Photo Credit : Social Media)

Champions Trophy 2025 :19 फेब्रुवारी पासून चॅम्पियन्स ट्रॉफी 2025 (Champions Trophy 2025) ला सुरुवात होणार आहे. बीसीसीआयने (BCCI) आगामी चॅम्पियन्स ट्रॉफीसाठी 18 जानेवारी रोजी भारतीय संघाचा कर्णधार रोहित शर्मा आणि सिलेक्शन कमिटीचे चेअरमन अजित आगरकर यांनी पत्रकार परिषद घेऊन टीम इंडियाची घोषणा केली. जवळपास ८ वर्षांनी आयोजित करण्यात आलेली चॅम्पियन्स ट्रॉफी जिंकण्यासाठी बीसीसीआयने टीम इंडियात अनेक स्टार खेळाडूंचा समावेश करण्यात आला आहे. यात मागील अनेक महिन्यांपासून टीम इंडियाचा भाग असलेल्या मोहम्मद शमी, कुलदीप यादव, श्रेयस अय्यर यांना संधी दिली आहे. मात्र अशात टीम इंडियासाठी चिंतेचं एकमेव कारण समोर आलं आहे. 

Add Zee News as a Preferred Source

जसप्रीत बुमराहच्या फिटनेसबाबत शंका :

भारताचा स्टार वेगवान गोलंदाज जसप्रीत बुमराह याचा चॅम्पियन्स ट्रॉफीच्या संघात समावेश करण्यात आलेला आहे. मात्र असं असलं तरी बुमराहच्या फिटनेसबाबत अजूनही शंका आहे. बॉर्डर गावसकर ट्रॉफीच्या शेवटच्या सामन्यात बुमराहच्या पाठीला दुखापत झाली होती. सध्या बुमराहवर बंगळुरूमध्ये एनसीएमध्ये उपचार सुरु असून त्याच्या फिटनेसवर लक्ष ठेवले जात आहे. पत्रकार परिषदेत सिलेक्शन कमिटीचे चेअरमन अजित आगरकर यांनी सांगितले की "बुमराहच्या फिटनेसबाबत अजूनही शंका आहे. म्हणूनच आम्ही अर्शदीप सिंह याला संघात निवडलंय. कदाचित चॅम्पियन्स ट्रॉफीतील सुरुवातीच्या सामन्यांना बुमराह प्लेईंग ११ चा भाग नसेल". जसप्रीत बुमराहने बॉर्डर गावसकर ट्रॉफीमध्ये एकूण 32 विकेट्स घेतले. बुमराह सीरिजमध्ये सर्वाधिक विकेट घेणारा गोलंदाज ठरला ज्यामुळे त्याला प्लेअर ऑफ द सीरिजचा पुरस्कार मिळाला होता. त्यामुळे बुमराहची दुखापत ही भारतीय संघासाठी चिंतेची बाबत ठरली आहे. 

मोहम्मद शमीचं कमबॅक : 

टीम इंडियाचा स्टार गोलंदाज मोहम्मद शमीची चॅम्पियन्स ट्रॉफीसाठी भारतीय संघात निवड झाली आहे. वर्ल्ड कप 2023 नंतर दुखापत ग्रस्त असल्याने मोहम्मद शमी हा जवळपास 14  महिने टीम इंडियाचा भाग नव्हता. मात्र आता तो पूर्णपणे फिट झाला असून त्याला पुन्हा चॅम्पियन्स ट्रॉफीसाठी निवडण्यात आलंय. मोहम्मद शमीला 22 जानेवारी पासून सुरु होणाऱ्या इंग्लंड विरुद्ध टी 20 सीरिजसाठी देखील टीम इंडियाचं भाग बनवण्यात आलंय. 

हेही वाचा : ड्रेसिंग रूम चॅट लीक प्रकरणात सरफराजचं नाव आल्याने भडकला हरभजन सिंह, गंभीरला सुनावलं

टीम इंडियाचे ग्रुप स्टेज सामने कधी? 

20 फेब्रुवारी : गुरुवार - भारत विरुद्ध बांगलादेश 
23 फेब्रुवारी :  रविवार - भारत विरुद्ध पाकिस्तान 
2 मार्च  :  रविवार - भारत विरुद्ध न्यूझीलंड 

भारतीय संघ :

रोहित शर्मा (कर्णधार) , शुभमन गिल (उपकर्णधार) , विराट कोहली, श्रेयस अय्यर, केएल राहुल, हार्दिक पंड्या, अक्षत पटेल, वॉशिंग्टन सुंदर, कुलदीप यादव, जसप्रीत बुमराह, मोहम्मद शमी, अर्शदीप सिंह, यशस्वी जयस्वाल, ऋषभ पंत, रवींद्र जडेजा 

 

About the Author

Pooja Pawar

पूजा सुनील पवार या 'झी 24 तास' डिजिटलमध्ये सब एडीटर पदावर कार्यरत आहेत. त्यांना मीडिया क्षेत्राचा ५ वर्षांचा अनुभव आहे. वयाच्या २० व्या वर्षी त्यांनी सकाळ वृत्तपत्रातून आपल्या कारकिर्दीची सुरुवात केली. तिथे सांस्कृतिक, शैक्षणिक, सामाजिक समस्या इत्यादी विषयांवर बातम्या आणि फिल्ड रिपोर्टिंगचा मौल्यवान अनुभव मिळाला. त्यानंतर नवभारत पासून डिजिटल पत्रकारितेला सुरुवात केली. पुढे न्यूज १८ लोकमतमधून स्पोर्ट्स सेक्शनसाठी काम केले. सध्या झी २४ तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवण्याचा प्रयत्न करते. याशिवाय राजकीय, क्राईम, लाईफस्टाईल या क्षेत्राशी निगडीत बातम्या देखील करते. फावल्यावेळेत सामाजिक उपक्रमांमध्ये योगदान द्यायला तसेच ट्रॅव्हल करून नवनवीन ठिकाण फिरण्याची आवड आहे.

...Read More