Home
/स्पोर्ट्स
/युजवेंद्र चहलने Ex पत्नी धनश्रीला पुन्हा मारला टोमणा, शिखर धवनसोबत केली डील

युजवेंद्र चहलने Ex पत्नी धनश्रीला पुन्हा मारला टोमणा, शिखर धवनसोबत केली डील

Yuzvendra Chahal : युजवेंद्र चहल याने पूर्व पत्नी धनश्री वर्मावर पुन्हा पोटगीत दिलेल्या ४ कोटी रुपयांवरून निशाणा साधला आहे. त्याने शिखर धवनच्या पोस्ट खाली केलेली कमेंट सध्या चर्चेत आहे.

Written ByPooja Pawar

Published: Oct 25, 2025, 07:31 PM IST|Updated: Oct 25, 2025, 07:31 PM IST

join share

युजवेंद्र चहलने Ex पत्नी धनश्रीला पुन्हा मारला टोमणा, शिखर धवनसोबत केली डील

Image Credit: (Photo Credit : Social Media)Source: Bureau

Yuzvendra Chahal : युजवेंद्र चहल आणि धनश्री वर्मा या दोघांचा याचवर्षी मार्च महिन्यात घटस्फोट झाला. त्यानंतर दोघांच्या नात्याबाबत सोशल मीडियावर लागोपाठ चर्चा होत आहे. घटस्फोट झाल्यावर युजवेंद्र चहल कोणत्या न कोणत्या प्रकारे धनश्रीला टोमणे मारत आहे. आधी राज शमानीच्या पॉडकास्टवर आणि नंतर इंस्टाग्रामद्वारें चहल धनश्रीला टोमणे मारण्याची संधी सोडत नाही. अलिकडेच, त्यांनी सर्वोच्च न्यायालयाच्या पोटगीबाबतच्या निर्णयावर भाष्य करताना त्यांची माजी पत्नी धनश्री वर्मा यांच्यावर टीका केली. आता युजवेंद्र चहल पुन्हा एकदा त्याच्या सोशल मीडिया अ‍ॅक्टिव्हिटीमुळे चर्चेत आहेत.

यापूर्वी क्रिकेटर युजवेंद्र चहलने सुप्रीम कोर्टाच्या निर्णयाला इंस्टाग्राम स्टोरीवर शेअर करून लिहिले की, 'आईची शपथ घ्या की तू या निर्णयापासून मागे हटणार नाहीस.'' सर्वोच्च न्यायालयाच्या पोटगी न देण्याच्या निर्णयावर चहलने केलेली टिप्पणी धनश्रीवर थेट टीका म्हणून पाहिली गेली. आता युजवेंद्र चहलने शिखर धवनच्या पोस्ट खाली कमेंट करत असं काही लिहिलं ज्याने सर्वांचं लक्ष वेधून घेतलं.

माजी क्रिकेटर शिखर धवनच्या एका फोटोवर युजवेंद्र चहलने कमेंट केली. यावेळी ताईने पुन्हा एकदा घटस्फोटानंतर पूर्व पत्नी धनश्रीला दिलेल्या पोटगीच्या रक्कमेचा उल्लेख केला. युजवेंद्र चहलने घटस्फोटानंतर पूर्व पत्नी धनश्रीला 4 कोटींची पोटगी दिली होती. त्याने शिखर धवनच्या फोटोवर कमेंट करत लिहिले की, 'तुझ्या पोजवर कॉपीराइट मारतोय भाऊ, फक्त 4 कोटी'. यावर शिखरने मजेत रिप्लाय केला, 'डील पक्की'. युजवेंद्र चहलने या कमेंटच्या आडून धनश्री वर्माला टोमणा मारला असल्याचं बोललं जात आहे. 'राईज अँड फॉल' या रिअॅलिटी शोमध्ये धनश्री वर्मा तिच्या वैवाहिक जीवनाबद्दल आणि घटस्फोटाबद्दल उघडपणे बोलली. धनश्रीने खुलासा केला होता की युजवेंद्रसोबतचे तिचे लग्न लव्ह आणि अरेंज्ड मॅरेज होते. तसेच लग्नानंतर काही दिवसात तिला युजवेंद्र चहलच्या वागण्यात बदल जाणवू लागला.

हेही वाचा : 'आम्हाला माहित नाही पुन्हा कधी....' विजयानंतर रोहित - विराट 'हे' काय बोलून गेले, चाहत्यांची धाकधूक वाढली

Yuzvendra Chahal

FAQ :

युजवेंद्र चहल आणि धनश्री वर्मा यांचा घटस्फोट कधी आणि कसा झाला?
उत्तर: युजवेंद्र चहल आणि धनश्री वर्मा यांचा घटस्फोट २०२५ च्या मार्च महिन्यात, नेमकं २० मार्च रोजी बॉम्बे हायकोर्टात अंतिम झाला. हे लग्न डिसेंबर २०२० मध्ये झालं होतं आणि जून २०२२ मध्ये वेगळे झाले होते. घटस्फोटानंतर चहलने धनश्रीला ४ कोटी रुपयांची पोटगी दिली होती.

शिखर धवनच्या पोस्टवर चहलने काय कमेंट केली?
उत्तर: माजी क्रिकेटर शिखर धवनच्या एका फोटो पोस्टवर युजवेंद्र चहलने कमेंट केली: "तुझ्या पोजवर कॉपीराइट मारतोय भाऊ, फक्त ४ कोटी". हे ४ कोटींच्या पोटगीचा उल्लेख असल्याने धनश्रीवर टोमणा म्हणून चर्चेत आलं. शिखर धवनने मजेत उत्तर दिलं: "डील पक्की".

Add Zee News as a Preferred Source

TAGS:

About the Author

Pooja Pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना ५ वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. त्यांनी आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.

प्रिंट मीडिया ते डिजिटल पर्यंतची कारकीर्द:

पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.

पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.

शैक्षणिक पात्रता

पूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.