Home
/टेक
/बाईक नव्हे, सुपरमशीन; बुलेटलाही टक्कर देणाऱ्या या मॉडेलची किंमत काय?

बाईक नव्हे, सुपरमशीन; बुलेटलाही टक्कर देणाऱ्या 'या' मॉडेलची किंमत काय?

Auto News : बाईकप्रेमींच्या वर्तुळामध्ये काही ब्रँडना विशेष पसंती आहे. मात्र त्यात आता एक ब्रँड आपली विशेष जागा बनवू पाहत आहे. कोणता आहे हा ब्रँड?

Written BySayali Patil

Published: Jul 05, 2025, 04:07 PM IST|Updated: Jul 05, 2025, 04:07 PM IST

join share

बाईक नव्हे, सुपरमशीन; बुलेटलाही टक्कर देणाऱ्या 'या' मॉडेलची किंमत काय?

Image Credit: Auto news 2025 Bajaj Dominar 400 launched with new features and price Source: Bureau

Auto News : अॅडवेंचर बाईकिंग आणि दूरवरच्या बाईक राईडवर जाणाऱ्या अनेकांसाठी एक कमाल बाईक भारतात लाँच झाली असून, ही बाईक चक्क बुलेटलाही टक्कर देईल असं म्हटलं जात आहे. दुचाकीस्वारांच्या वर्तुळात चर्चेत आलेली हे नवं व्हेरिएंट आहे ते म्हणजे बजाज ऑटोचं Dominar 400.

कंपनीनं नुकतंच या बाईकचं अपडेटेड 2025 मॉडेल लाँच केलं असून, पॉवर, स्टाईल आणि फिचर्सची अद्वितीय सांगड या बाईकमध्ये पाहायला मिळेल. नव्या बदलांसह लाँच झालेलं हे मॉडेल वाढीव किमतीत येईल अशी अनेकांनाच अपेक्षा असताना त्यात फक्त 6026 रुपये इतकीच किरकोळ वाढ झाली आहे. कंपनीकडून तूर्तास बाईकमध्ये अद्ययावत तंत्रज्ञान आणि डिझाईन अपग्रेडसुद्धा सादर केले आहेत.

स्मार्टफोन कनेक्टीव्हिटी आणि डिजिटल डिस्प्ले

Bajaj Dominar 400 करण्यात आलेला सर्वात मोठा बदल म्हणजे या बाईकमध्ये देण्यात आलेलं डिजिटल इंस्ट्रूमेंट क्लस्टर. आता हा डिस्प्ले Pulsar NS400Z प्रमाणं स्प्लिट डिजाइन आणि डॉट मॅट्रिक्स इनसेट फॉरमॅटमध्ये येत असून, याच्या मदतीनं रायडर्सना टर्न-बाय-टर्न नेविगेशन, कॉल अलर्ट आणि SMS अलर्ट सारख्या सुविधा उपब्ध असतील.

Dominar 400 चं नवं मॉडेल राइड-बाय-वायर थ्रॉटल तंत्रज्ञानासह सादर करण्यात आलं असून, या फिचरसह बाईकमध्ये रायडिंग मोड्स Rain, Road, Sport आणि ऑफ रोड देण्यात आले आहेत. पॉवर डिलिवरी आणि एबीएस सिस्टीमला विविध परिस्थितीनुसार हे मोड्स नियंत्रित करतात. महत्त्वाचं म्हणजे स्पोर्ट आणि ऑफरोड मोडमध्ये ट्रॅक्शन कंट्रोल सिस्टीम पूर्णपणे बंद करता येतं, ज्यामुळं बाईक रायडिंगचा थरारक अनुभव आणखी द्विगुणित होतो.

इंजिन आणि इतर फिचरही पाहूनच घ्या...

डॉमिनरच्या या बाईकला 373.5cc चं लिक्विड-कूल्ड सिंगल सिलेंडर इंजिन देण्यात आलं असून, आता हे इंजिन नव्या OBD-2B एमिशन नॉर्म्सनुसार अपडेटही करण्यात आलं आहे. या इंजिनमधून 40PS ची पॉवर आणि 35Nm चा टॉर्क जनरेट होतो. कंपनीकडून 2025 मॉडेलमध्ये Bajaj नं Canyon Red मध्ये पुन्हा सादर केलं असून तरुणाईकडून नया बाईकला चांगली पसंती मिळताना दिसत आहे. या बाईकचा ऑन रोड दर ₹ 2,89,718 असून त्यात काही हजारांची वाढ झाली असली तरीसुद्धा त्याच मिळणारे फिचर पाहता ही बाईक रायडिंगची आवड असणाऱ्यांसाठी एक पैसा वसूल पर्याय असेल असं म्हणायला हरकत नाही.

Add Zee News as a Preferred Source

TAGS:

About the Author

Sayali Patil

सायली पाटील या 'झी 24 तास डिजीटल'मध्ये सिनियर सब एडिटर या पदावर कार्यरत असून, त्यांना पत्रकारिता क्षेत्रातील 12 वर्षांचा अनुभव आहे. 'लोकमत', 'लोकसत्ता' या वृत्तपत्रांपासून त्यांनी पत्रकारितेतील कारकिर्दीस सुरुवात केली. जिथं विविध विषय हाताळत त्यांनी भाषेवर प्रभुत्त्वं मिळवलं. 'इंडियन एक्स्प्रेस' समुहाच्या 'लोकसत्ता' वृत्तपत्रातील 'VIVA' या जीवनशैली विषयावर आधारित पुरवणीसाठी त्यांनी लिखाण केलं याशिवाय लोकप्रभा या मासिकासाठीसुद्धा त्यांनी लेखन केलं. पुढे लोकसत्ता डिजीटलसाठी (Loksatta.com) काम केलं. जिथं मनोरंजन, चित्रपट समीक्षण आणि देश- विदेश क्षेत्रातील बातम्यांसाठी त्यांनी योगदान दिलं.

कारकिर्दीची सुरुवात

लोकसत्तानंतर त्यांनी झी 24तासच्या डिजिटल टीममध्ये नव्या कारकिर्दीची सुरुवात करत राजकारण आणि महाराष्ट्रासह इतर विषयांवरील पकड मजबूत केली. 'एबीपी माझा' वाहिनीच्या संकेतस्थळासाठीसुद्धा त्यांनी काम केलं. ज्यानंतर 2021 मध्ये पुन्हा एकदा 'झी 24 तास डिजीटल'मध्ये रुजू होत या अनुभवाचा वापर त्यांनी कारकिर्दीच्या नव्या टप्प्यासाठी केला. विविध विषयांवरील बातम्यांमध्ये योगदान दिलं.

शैक्षणिक पात्रता

मुंबई विद्यापीठाच्या BMM अर्थात बॅचलर ऑफ मास मिडीयाचं पदवी शिक्षण असणाऱ्या सायली पाटील यांनी, प्रामुख्यानं मराठी पत्रकारितेत योगदान दिलं. मराठी आणि इंग्रजी भाषेच्या प्रभुत्त्वासह हिंदी भाषेवरही त्यांचं प्रभुत्वं आहे.

अनुभव आणि हातखंड

प्रवास, मनोरंजन आणि Lifestyle विषयांतील सुरुवातीचा अनुभव आणि त्यानंतर राजकारण, आरोग्य, प्रवास, राज्यस्तरीय बातम्यांमध्येही त्यांचा हातखंड आहे. सिनेमांचं समीक्षण, राष्ट्रीय स्तरावरील वृत्त, जागतिक स्तरावरील घडामोडी, हवामान वृत्त आणि खगोलशास्त्राश, पुरातत्त्वं विभागाच्या संशोधनासंदर्भातील बातम्यांमध्ये त्यांना विशेष रुची आहे. भटकंती, सिनेमा, विज्ञान, खाद्यसंस्कृती हे त्यांच्या विशेष आवडीचे विषय आहेत.