ही अभिनेत्री आहे, नयनतारा. दाक्षिणात्य कलाविश्वात नयनतारा सर्वाधिक मानधन घेणाऱ्या कलाकारांपैकी एक आहे, इतकंच नव्हे, तर तिनं बॉलिवूडमध्येही नशीब आजमावलंय.
शाहरुख खानसोबत तिनं 'जवान'मध्ये स्क्रीन शेअर केली होती. डायना मरियम कुरियन असं या अभिनेत्रीचं खरं नाव.
2011 पूर्वी नयनतारा ख्रिस्तधर्मीय होती. पण, त्यानंतर मात्र तिनं धर्मांतर करत हिंदू धर्म स्वीकारला.
खासगी जीवनात नृत्यदिग्दर्शक आणि दिग्दर्शक प्रभुदेवा याच्याशी तिचं नाव जोडलं गेलं. पण, त्यांच्या या नात्याचा शेवट मात्र गोड झाला नाही.
नयनतारानं अखेर दिग्दर्शक विघ्नेश शिवन याच्याशी सहजीवनाची सुरुवात केली आणि या जीवनात ती रमली.
नयनतारा आणि विघ्नेश हे दोघंही दोन जुळ्या मुलांचे आईवडील असून, सोशल मीडियावर ते कायमच आपल्या मुलांसोबतचे खास क्षण शेअर करत असतात.
नयनताराचं सध्याचं आयुष्य पाहता अनेकांनाच तिचा हेवा वाटत असला तरीही तिनं खासगी जीवनात संघर्षाचाही काळ पाहिला हे मात्र नाकारता येत नाही.