‘सिंघम अगेन’नं मोडला कल्कि 2898 एडी’चा रेकॉर्ड, ‘दृश्यम 2’ वर ‘भूल भुलैया 3’ची मात

‘भूल भुलैया 3’ आणि ‘सिंघम अगेन’ हे दोन्ही चित्रपट एकाच दिवशी प्रदर्शित झाले. तरी देखील हे दोन्ही चित्रपट बॉक्स ऑफिसवर चांगली कमाई करत आहेत.

या दोन्ही चित्रपटांनी बॉक्स ऑफिसवर 200 कोटींची कमाई केली आहे.

इतकंच नाही तर दोन्ही चित्रपटांनी ‘दृश्यम 2’, ‘कबीर सिंग’ आणि ‘आरआरआर’ सारख्या चित्रपटांचे रेकॉर्ड मोडले आहेत.

चला तर जाणून घेऊया दोन्ही चित्रपटांनी आतापर्यंत किती कोटींची कमाई केली.

‘सिंघम अगेन’ नं 10 व्या दिवशी 200 कोटींची कमाई केली. तर Sacnilk च्या रिपोर्ट्सनुसार, 12 दिवशी या चित्रपटानं 214.50 कोटींची कमाई केली.

‘कल्कि 2898 एडी’, ‘किक’ आणि ‘पद्मावत’ या चित्रपटांनी 11 दिवसात 200 कोटींचा आकडा पार केला होता.

‘भूल भुलैया 3’ नं 12 दिवसांमध्ये 208.25 कोटी रुपयांची कमाई केली. कार्तिक आर्यनच्या या चित्रपटाला हा आकडा पार करण्यासाठी 11 दिवस लागले. तर ‘दृश्यम 2’ ला 200 कोटी कमावण्यासाठी 23 दिवस लागले.