ओटीटी प्लॅटफॉर्मवर मिर्झापूर या मालिकेने चांगलीच लोकप्रियता मिळवली आहे. पहिल्या दोन हंगाम गाजल्यानंतर आता मिर्झापूरचा तिसरा हंगाम प्रदर्शित झाला आहे.
मिर्झापूर 3 मध्ये गुड्डू पंडीत, कालिन भैया, शरद शुक्लाबरोबरच झरीनाने देखील मुख्य भूमिका साकारली आहे. ही भूमिका अनंग्शा बिस्वास या अभिनेत्रीने साकारली आहे.
अनंग्शा बिस्वास मिर्झापूर-1 मध्येही झळकली होती. आपल्या लहान भूमिकेतही अनंग्शाच्या नावाची चर्चा झाली होती. तिच्या सीनवर अनेक मीम्सही बनले होते.
अनंग्शा बिस्वासचा जन्म 21 फेब्रुवारी 1990 मध्ये कोलकात्यात झाला. तीने हिंदी आणि बंगाली फिल्म इंडस्ट्रीत स्वत:ची वेगळी ओळख निर्माण केली आहे.
कोलकाताच्या भवानीपुर एज्युकेशन सोसायटी कॉलेजमधून पदवी घेतल्यानंतर अनंग्शाने ऑस्ट्रेलियात फिल्म आणि टेलिव्हिजन अकॅडमीत अभिनयाचं शिक्षण घेतलं.
अनंग्शा बिस्वास चित्रपट आणि मालिकेबरोबरच आपल्या सोशल मीडियातून चर्चेत असते. आपले अनेक बोल्ड फोटो ती सोशल मीडियावर शेअर करते.
'लव शव ते चिकन खुराना' चित्रपटात अनंग्शाने लहान भूमिका साकारली होती. याबरोच अनंग्शाने नसीरुद्दीन शाह आणि शेफाली शाह सारख्या दिग्गजांबरोबरही काम केलंय.