हिंदी चित्रपट सृष्टीत अनेकांचाच गॉडफादर, किंवा अनेक नवोदितांना ब्रेक देण्यासाठी म्हणून ओळखल्या जाणाऱ्या अभिनेता सलमान खान यानं या नव्यानं प्रसिद्धीझोतात आलेल्या अभिनेत्याला फोननं संपर्क साधला.
'किसी का भाई, किसी की जान' या चित्रपटाच्या निमित्तानं सलमाननं ज्याच्याशी संपर्क साधला, त्या अभिनेत्याचं नाव राघव जुयाल.
एका रिअॅलिटी शोमुळं प्रसिद्धीझोतात आलेल्या आणि पाहता पाहता अभिनेता, डान्सर अशा विविध कारणांनी ओळख बनवणाऱ्या राघवनं मात्र त्याचा फोनकॉल घेणं टाळलं.
'त्याला सांग नंतर फोन करतो', असं म्हणत राघवनं सलमानशी बोलणं टाळलं. पण, इथं त्याची मोठी चूक झाली.
राघवला हा फोन सलमान खानचा आहे, हे लक्षातच आलं नाही. आपला सहकारी सलमान युसूफ खान याचा फोन आहे, असंच त्याला वाटलं आणि त्यानं हे उत्तर दिलं.
भाईजान सलमान खाननं फोन केल्याचं कळताच त्याला धक्का बसला.
खुद्द सलमान खान आपल्याशी संपर्क साधेल याचा विचारही राघवनं केला नव्हता. त्यामुळं त्याच्यासाठी ही बाब पचवणं कठीण होतं.
या फोननं त्याचं नशिब पालटलं. खुद्द सलमाननं आपल्या चित्रपटात काम करण्यासाठी म्हणून राघवशी संपर्क साधला होता.
इथूनच त्याचं आणि दबंग खाननं मैत्रीचं नातंही आकारास आलं. (सर्व छायाचित्र- राघव जुयाल/ इन्स्टाग्राम)