विनोदी अभिनेता जॉनी लिव्हर हा त्याच्या सिनेमातील कामांसाठी चर्चेत असतोच. तर त्याची मुलगी जेमी लिव्हर हिचे मिमिक्री व्हिडीओ सुद्धा सोशल मीडियावर व्हायरल होतात.
जेमीकडे आपल्या वडिलांप्रमाणेच कॉमेडी करण्याची कला असून ती जगभरात शो करते.
जेमी लिव्हर ही एक उत्कृष्ट अभिनेत्री सुद्धा असून तिने अनेक चित्रपटांमध्ये काम केलंय.
जेमीने या दरम्यान तिला आलेल्या कास्टिंग काउचचा धक्कादायक अनुभव शेअर केलाय.
झूम सोबत बोलताना जेमीने अनुभव सांगितलं की, 'मला एक व्यक्ती भेटला आणि त्याने मला तो आंतरराष्ट्रीय चित्रपटाचा दिग्दर्शक असल्याचे सांगितले. मग त्याने मला व्हिडीओ कॉलवर स्ट्रीप करण्यास सांगितलं'.
जेमी म्हणाली की, 'त्याने मला सांगितलं की चित्रपटाची स्क्रिप्ट नाहीये. कपडे काढ किंवा जे करायचंय ते कर'.
जेमी म्हणाली की मी त्यावेळी खूप घाबरले होते.