Mahakumbh 2025 : साऱ्या जगातील सर्वात मोठा धार्मिक, अध्यात्मिक सोहळा अशी ओळख असणारा महाकुंभ मेळा प्रयागराज इथं सुरु असून, इथं कोट्यवधी भाविकांनी हजेरी लावली आहे.
उत्तर प्रदेशातील प्रयागराज इथं पार पडणाऱ्या या सोहळ्यामध्ये साधुसंतांची गर्दी आहेत, शिवाय इथं गंगेच्या पवित्र पाण्यात स्नान करण्यासाठी भाविकही गर्दी करताना दिसत आहेत.
मराठी कलाविश्व गाजवत आपली वेगळी अशी ओळख निर्माण करणारी एक लोकप्रिय जोडीसुद्धा तिथं पोहोचली.
ही जोडी म्हणजे अभनेते आणि दिग्दर्शक प्रवीण तरडे आणि त्यांची पत्नी, अभिनेत्री आणि दिग्दर्शिका स्नेहल तरडे.
केशरी वस्त्र गळ्यात रुद्राक्षांची माळ अशा एकंदर रुपात ही जोडी त्रिवेणी संगम इथं पोहोचली. त्यांनी तिथं गंगेचं विधीवत पूजन केलं आणि या अमृततुल्य पाण्यत स्नानही केलं.
मौनी अमावस्येच्या निमित्तानं तरडे दाम्पत्यानं हे गंगास्नान केलं आणि या खास क्षणांची झलक सोशल मीडियाच्या माध्यमातून चाहत्यांच्या भेटीला आणली.
प्रयागराज येथील वातावरण, तिथं आलेल्या कोट्यवधी भाविकांचा उत्साह आणि अध्यात्माचं एक वेगळं रुप या साऱ्याचं वर्णन त्यांनी सोशल मीडियाच्या माध्यमातून केलं.
बुधवारपर्यंत महाकुंभ मेळ्यात तब्बल 20 कोटी भाविकांनी हजेरी लावली आणि अद्यापही इथं भाविकांचा ओघ वाढतच चालला आहे.