चित्रपटाच्या माध्यमातून केवळ प्रमुख अभिनेता आणि अभिनेत्रीलाच भरमसाठ पैसा मिळण्याचे दिवस कालबाह्य झाले आहेत.
भारतीय चित्रपट सृष्टीचा पसारा वाढत गेला त्याप्रमाणे आता गीतकार आणि संगीतकारांच्याही मानधनामध्ये मोठी वाढ झाली आहे.
संगीतकार आणि गीतकारांनाही आता त्यांच्या कामाच्या मोबदल्यात मोठी रक्कम मिळते.
मोजकी गाणी लिहून लोकप्रिय झालेले गीतकारही आज एक गाणं लिहिण्यासाठी काही लाखांमध्ये मानधन घेताना दिसत आहेत. असेच 7 गीतकार पाहूयात...
स्वानंद किरकिरे एक गाणं लिहून देण्यासाठी 5 ते 6 लाख रुपये मानधन घेतात.
अमिताभ भट्टाचार्य एक गाणं लिहिण्यासाठी 7 ते 8 लाख रुपये मानधन घेतात.
इरशाद कामिल हे सर्वात महागड्या गीतकारांच्या यादीत पाचव्या स्थानी आहेत. ते एक गाणं लिहिण्यासाठी 8 ते 9 लाखांचं मानधन घेतात.
विशाल दादलानीही एक गाणं लिहून देण्यासाठी 10 लाखांचं मानधन घेतात.
प्रसून जोशी एक गाणं लिहून देण्यासाठी 10 लाख रुपये मानधन घेतात.
सर्वाधिक मानधन घेणाऱ्या गीतकारांच्या यादीमध्ये जावेद अख्तर दुसऱ्या स्थानी आहेत.
प्रसारमाध्मयांनी दिलेल्या वृत्तानुसार जावेद अख्तर एक गाणं लिहिण्यासाठी 15 लाखांचं मानधन घेतात.
भारतामध्ये गाणं लिहून देण्यासाठी सर्वाधिक मानधन घेणारे गीतकार आहेत, संपूर्ण सिंह कालरा.
आता संपूर्ण सिंह कालरा हे नाव तुम्हाला लगेच समजलं नसेल. पण याच कालरा यांना गुलजार नावानं ओळखलं जातं असं सांगितल्यास लगेच तुमच्या डोळ्यासमोर एक चेहरा उभा राहील की नाही? अर्थात याचं उत्तर होच असणार कारण आहे त्यांची प्रचंड लोकप्रियता.
भारतामधील सर्वात सन्मानित आणि रचनेत्या दृष्टीकोनातून सर्वोत्तम गीतकारांमध्ये गुलजार यांचा समावेश होतो.
मागील 6 दशकांपासून गुलजार हे हिंदी चित्रपटसृष्टीसाठी गाणी लिहित आहेत.
खरं तर फार कमी लोकांना ठाऊक आहे की, गुलजार यांनी काही चित्रपटांसाठी पटकथा लेखन केलं आहे. काही चित्रपटांचं दिग्दर्शनही गुलजार यांनी केलं आहे.
सध्या गुलजार हे 88 वर्षाचे आहेत.
गुलजार एक गाणं लिहिण्यासाठी तब्बल 20 लाख रुपये मानधन घेतात.
भारतात कोणत्याही गीतकाराला गुलाजार यांच्या एवढं मानधन दिलं जात नाही.