गेल्या काही दिवसांपासून सोशल मीडियावर राजेश्वरी खरात आणि सोमनाथ अवघडेचे लग्नाचे फोटो व्हायरल होत आहेत.
या फोटोनंतर सोशल मीडियावर दोघांच्या लग्नाची चर्चा रंगली आहे. मात्र, दोघांनीही अद्याप याबाबत कोणतीही माहिती दिलेली नाही.
अशातच आता राजेश्वरी खरातने राजश्री मराठीला दिलेल्या मुलाखतीत यावर खुलासा केला आहे.
ती म्हणाली की, मला असं वाटतं की हा प्रश्न सध्या तरी गुपित ठेवावा. कारण लग्न झालं आहे की नाही हे लोक ठरवतील.
मला थोडा सस्पेन्स ठेवायचा आहे. लवकरच मी आनंदाची बातमी देणार आहे.
राजेश्वरी खरातने सोमनाथबरोबर अनेक प्रोजेक्ट केले आहेत. याचे शूटिंग देखील झालं आहे.
लवकरच अभिनेत्रीची अपूर्ण राहिलेली गोष्ट पूर्ण होणार आहे. असा खुलासा तिने केला आहे.