2006 मध्ये 18 वर्षापूर्वी रिलीज झालेला हृतिक रोशनचा क्रिश हा चित्रपट सुपरहिट ठरला.यामध्ये बालकलाकार म्हणून अभिनय करणाऱ्या मिकी आता पूर्णपणे बदलला आहे.
क्रिश चित्रपटात मिकीने ज्युनियर क्रिशची भूमिका केली होती. तर हृतिकसोबत प्रियांका चोप्रा मुख्य भूमिकेत दिसली होती.
आता हा ज्युनियर क्रिश एवढा बदलला आहे की आपण ओळखू देखील शकत नाही. हा छोटा क्रिश आता अभिनय क्षेत्र सोडून डॉक्टर झाला आहे.
मिकीने स्वत:च सोशल मीडियावर व्हिडीओ शेअर करत नेत्र चिकीत्सक बनल्याचे सांगितले आहे.
सोशल मीडियावर पोस्ट करत मिकीने असे लिहिले आहे की, मला ज्युनियर क्रिशची भूमिका साकारत एका चित्रपटात टॅलेंटेड कलांकारांसोबत काम करण्याची संधी मिळाली. त्या चित्रपटाचा एक भाग बनणं अगदी आनंददायी अनुभव होता.
बालकलाकार ते नेत्र चिकित्सक बनण्यापर्यंतचा माझा अनुभव एक विलक्षण प्रवास आहे. माझ्यातील हे परिवर्तन आश्चर्यकारक अनुभवांनी आणि विलक्षण शिक्षणाने भरले आहे ज्याने मला आज मी कोण आहे याची नव्याने ओळख करून दिली.
तो म्हणतो की, माझा अभिनय क्षेत्रात मिळालेले शिक्षण आज मला डोळ्यांची काळजी घेण्याच्या करिअरमध्ये प्रेरणा देत आहेत.पावलोपावली दिलेल्या अनुभवासाठी मी कृतज्ञ आहे. आता मी सुपरहिरो बनून तुमच्या डोळ्यांची काळजी घेऊ शकतो.
मिकीच्या पोस्टवर चाहते कमेंट करत आहेत. एका चाहत्याने असे लिहिले आहे की, मला तुझावर क्रश होतो. मला तुझे डोळे खूप आवडतात. तर दुसऱ्या चाहत्याने असे लिहिले की माझा माझ्या डोळ्यांवर विश्वास बसत नाहीये.