भारत-पाकिस्तान सामन्यादरम्यान अभिनेत्री उर्वशी रौतेलाचा 24 कॅरेट गोल्ड आयफोन चोरी झाला होता.
उर्वशीने सोशल मीडियावरुन याची माहिती देताना मदत मागितली होती. त्यात आता उर्वशीला चोरानेच ई-मेल पाठवला आहे.
आपणच तुझा आयफोन चोरला असून, माझ्या भावावर कॅन्सरवरील उपचार केल्यानंतरच मी तुला फोन परत करेन असं चोराने लिहिलं आहे.
उर्वशीला हा ई-मेल पाहिल्यानंतर धक्का बसला आहे. माझ्याकडे तुझा आयफोन असून, तो परत हवा असल्यास एक मदत करावी लागेल असं त्याने लिहिलं होतं.
Groww Traders नावाच्या आयडीवरुन उर्वशीला हा ई-मेल आला आहे. उर्वशीने इंस्टाग्रामला स्क्रीनशॉट शेअर केला आहे.
पण काहींनी त्याच्याकडे खरंच फोन आहे का यावर शंका उपस्थित केली आहे. तो फक्त आपल्या भावाला वाचवण्याचा प्रयत्न करत असावा असं त्यांचं म्हणणं आहे.
अनेक नेटकऱ्यांनी उर्वशीच्या वागण्यावर प्रश्नचिन्ह उपस्थित केलं आहे. पोलीस आयपी अॅड्रेसवरुन चोराला पकडू शकत असतानाही ती त्यांच्याकडे का जात नाही अशी विचारणा करत आहेत.
उर्वशीने याआधी आपला 24 कॅरेट गोल्ड आयफोन चोरी झाला असून, जो माहिती देईल त्याला बक्षीस देऊ अशी घोषणा केली होती.