सुपरस्टार रजनीकांत यांचा 'जेलर' हा चित्रपट लवकरच थिएटरमध्ये प्रदर्शित होणार आहे. या चित्रपटासाठी चाहत्यांची खूप उत्सुकता शिगेला पोहोचली आहे.
'जेलर' या चित्रपटात बॉलिवूड अभिनेता जॅकी श्रॉफ देखील झळकणार आहे. या अभिनेत्याने सुपरस्टार रजनीकांतसोबत काम करण्याचा अनुभव शेअर केला.
एका मुलाखतीत, जॅकी श्रॉफ यांनी जेलर चित्रपटाच्या सेटवर घडलेल्या घटनांचे किस्से सांगितले. त्यावेळी त्यांनी रजनीकांत यांच्यावर देखील भाष्य केलं.
एक दिवस चित्रपटाचं शुट सुरू होतं. त्यावेळी रजनीकांत यांचे सीन शुट झाले. त्यावेळी रजनीकांत श्रॉफ यांना निरोप न घेताच निघाले.
रजनीकांत यांच्या जेव्ही ही गोष्ट लक्षात आली. त्यावेळी त्यांनी निघालेल्या गाडीतून उतरून गुडबाय करण्यासाठी पुन्हा आले.
मला माफ करा मी तुला निरोप द्यायला विसरलो. जर तुम्हाला माझी गरज असेल तर मी इथेच राहीन, असं रजनीकांत जॅकी श्रॉफला म्हणाले.
रजनीकांत यांचे हे शब्द ऐकताच, माझ्या डोळ्यात अश्रू तरळले पण मी माझ्या भावनांवर नियंत्रण ठेवलं, असं जॅकी श्रॉफ सांगतात.
आम्ही केलेल्या प्रत्येक गोष्टीचा आम्ही आनंद घेतला कारण त्यांनी आमच्यावर प्रेम केलं आणि आम्हाला खूप प्रेम आणि आदर दिला, असं म्हणत जॅकी श्रॉफ यांनी भावना व्यक्त केल्या आहेत.