लहान असो वा मोठे, दूध सर्वांसाठीच फायदेशीर असते. दूधाला 'कंप्लीट फूड' म्हणजेच संपूर्ण आहार मानले जाते.
कारण दूधात प्रथिने, कॅल्शियम, फॉस्फरस आणि पोटॅशियमसारखे अनेक पोषकतत्त्व असतात.
बहुतांश लोक नेहमी गरम दूध पिणे पसंत करतात. मात्र, थंड दूध प्यायल्याने देखील काही भन्नाट फायदे होतात.
विशेष म्हणजे उन्हाळ्यात थंड दूध पिणे आरोग्यासाठी अत्यंत लाभदायक ठरते.
उन्हाळ्यात अनेकदा पोटात किंवा छातीत जळजळ जाणवते. अशा वेळी थंड दूध प्यायल्याने शरीरात थंडावा निर्माण होतो.
शांत झोप लागण्यासाठी थंड दूध उपयुक्त ठरते. तसेच यामुळे तणावही कमी होतो.
उच्च रक्तदाब असणाऱ्यांसाठी थंड दूध फायदेशीर असते. तसेच थंड दूध हे रक्ताभिसरण सुधारण्यास मदत करते.
थंड दूध प्यायल्याने मेटाबॉलिझमची गती वाढते. ज्यामुळे अतिरिक्त कॅलरी बर्न होण्यास मदत होते आणि लवकर भूकही लागत नाही.