आपण दिवसातून किती वेळा श्वास घेतो आणि सोडतो ठाऊक आहे का? याचसंदर्भात आणि आपल्या फुफ्फुसांसदर्भातील रंजक गोष्टी जाणून घेऊयात...
तुमचं डावं फुफ्फुस हे उजव्या फुफ्फुसापेक्षा आकाराने लहान असतं. छातीमध्ये हृदयासाठी जागा व्हावी यासाठी ही अशी रचना असते.
तुमच्या फुफ्फुसांमधून 70 टक्के निरुपयोगी हवा केवळ श्वासोच्छावासाच्या माध्यमातून बाहेर फेकली जाते.
माणूस एका फुफ्फुसाच्या आधारे जिवंत राहू शकतो. फक्त त्याच्या हालचालींवर आणि कष्ट करण्याच्या क्षमतेवर मर्यादा येते.
आपण कितीही जोरात श्वास सोडला तरी आपल्या फुफ्फुसांमधील श्वासनलिकांमध्ये किमान 1 लीटर हवा असतेच. यामुळेच मानवी शरीरामधील फुफ्फुस असा एकमेव अवयव आहे जो काहीही झालं तरी पाण्यावर तरंगतो.
आपण जो श्वास घेतो त्यामध्ये ऑक्सिजन हा एक घटक असतो. आपण जो श्वास घेतो त्यापैकी केवळ 21 टक्के ऑक्सिजन असतो. मात्र आपल्या शरीराला 5 टक्के ऑक्सिजन लागतो. उर्वरित ऑक्सिजन शरीर श्वास सोडताना बाहेर फेकतं.
पुरुषांच्या तुलनेत महिला आणि लहान मुलं अधिक वेगाने श्वास घेतात.
मानवी श्वासामधून एका तासाला 17.5 मिलिलीटर पाणी बाहेर फेकलं जातं.
लंग्स फाऊंडेशन डॉट को डॉट एयूनुसार दिवसाला आपण 22 हजार श्वास घेतो.
सामान्य परिस्थितीमध्ये एक सामान्य व्यक्ती दिवसातून 22 ते 27 हजार वेळा श्वास घेते आणि सोडते. हा आकडा वय, लिंग, शारिरीक व्याधीनुसार वेगवेगळा असतो.