लघवी कमी होणे हे अनेक समस्यांचं कारण असू शकतं. त्यामुळे या समस्याची लक्षणं, कारणं आणि प्रतिबंध याबद्दल जाणून घ्या.
लघवी कमी होण्यामागे मूत्रपिंड किंवा लघवीशी संबंधित काही गंभीर समस्या असू शकते. त्यामुळे वेळेत तपासणी करणे खूप महत्त्वाचे आहे.
डॉक्टरांच्या मते, जर एखाद्या व्यक्तीने दिवसातून 400 मिलीपेक्षा कमी लघवी केल्यास त्याला वैद्यकीय भाषेत ओलिगुरिया म्हणतात. यामागे अनेक गंभीर कारणं असू शकतात.
लघवी कमी होण्यासोबत थकवा, आळस, गदड रंगाची लघवी किंवा कोरडे तोंड यासारख्या समस्या देखील उद्ऊवत असतील तर डिहायड्रेशन किंवा मूत्रपिंडाची समस्या असू शकते.
शरीरात पाण्याची कमतरता, कमी रक्तदाब किंवा वाढलेले हृदयाचे ठोके ही देखील कमी लघवीची लक्षणं असतात. ज्याकडे दुर्लक्ष करु नयेत.
कमी लघवी होण्याचे कारण मूत्रपिंडात सूज येणे, मूत्रमार्गात अडथळा येणे, संसर्ग किंवा शरीरात द्रवपदार्थांची कमतरता असू शकते. ज्याकडे त्वरित लक्ष देणे आवश्यक आहे.
मधुमेह, उच्च रक्तदाब, यकृताचे आजार आणि हृदयविकार यासारखे आजार देखील लघवीच्या प्रमाणात परिणाम करु शकतात.
ज्या लोकांना वारंवार ताप, उलट्या किंवा जुलाब होतात. त्यांच्या शरीरात पाण्याच्या कमतरतेमुळे लघवी कमी होऊ शकते. म्हणून इलेक्ट्रोलाइट्स असलेले पेये सेवन करणे आवश्यक आहे.
जर मूत्रपिंडाच्या पेशींना बराच काळ पुरेसे रक्त मिळाले नाही तर त्यांच्या कार्यवर परिणाम होतो आणि कमी मूत्र बाहेर पडते, त्यामुळे मूत्रपिंड खराब होतं.
सिगरेट आणि दारूसारख्या सवयींचा किडनीवर वाईट परिणाम होतो. म्हणून यापासून दूर राहा.
(Disclaimer - वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही.)