आपले केस नेहमी काळे, घट्ट आणि मजबूत असावेत अशी प्रत्येकाची इच्छा असते. मात्र, अनेकदा लोकांचे केस वेळेपूर्वी पांढरे होऊ लागतात.
जेव्हा केस पांढरे होतात तेव्हा लोक केसांची काळजी घेण्यासाठी अनेक प्रकारची उत्पादने वापरतात. अनेक वेळा यानंतरही कोणताही परिणाम दिसून येत नाही.
अशावेळी घरगुती उपाय करुन तुम्ही केस पांढरे होण्यापासून वाचलू शकता. केस पांढरे होण्याच्या समस्येपासून मुक्त होण्याच्या नैसर्गिक उपायांबद्दल जाणून घेऊया.
केस पांढरे होण्यापासून रोखण्यासाठी रात्री खोबरेल तेलाने टाळूची मालिश करा. केसांना मसाज केल्यानंतर दुसऱ्या दिवशी सकाळी धुवा, असे केल्याने तुमचे केस काळे राहतील.
शुद्ध देशी तूप आरोग्यासाठी खूप फायदेशीर आहे. केसांवर लावल्यानेही फायदा होतो. आठवड्यातून दोनदा डोक्‍याला देसी तुपाने मसाज केल्यास केस मजबूत आणि चमकदार होतात आणि पांढरेही होत नाहीत.
कांद्याचा रस केसांसाठीही खूप फायदेशीर आहे. ते बारीक करून त्याचा रस काढा आणि केसांच्या मुळांना मसाज करा. साधारण ३० मिनिटांनी केस स्वच्छ करा. दोन आठवड्यात दोनदा असे केल्याने केसांच्या समस्येपासून सुटका मिळेल.
काळ्या तीळाचे सेवन केल्याने केस पांढरे होण्याची समस्या दूर होते. पांढऱ्या केसांपासून सुटका हवी असेल तर एक चमचा काळे तीळ आठवड्यातून दोन ते तीन वेळा घ्या.
केस काळे ठेवण्यासाठी गव्हाचा रस प्यावा. गव्हाच्या हिरव्या भरतीपासून बनवलेला हा रस केसांसाठी खूप फायदेशीर आहे.