डॉली चायवाला हे आज केवळ एक नाव राहिले नाही, तर तो एक ब्रँड बनला आहे. अनेक लोक आता त्याची नक्कल करताना दिसत आहेत.
लखनऊमधील एक व्हिडीओ सध्या सोशल मीडियावर प्रचंड व्हायरल होत आहे. यात डॉली चायवाल्यासारखाच दिसणारा एक व्यक्ती, अगदी त्याच स्टाईलने चहा बनवताना दिसत आहे.
व्हिडीओमध्ये त्या व्यक्तीने गुलाबी शर्ट, बेज रंगाची पँट, जुळणारा कमरकोट, चष्मा आणि अगदी डॉलीसारखीच केसांची स्टाईल ठेवली आहे.
मनोरंजक गोष्ट म्हणजे तो माणूसही अगदी डॉली चायवाल्यासारख्याच पद्धतीने चहा बनवत आहे. त्यामुळे हा व्हिडीओ लाखो लोकांनी पाहिला आहे.
या व्हिडिओमध्ये तो माणूस म्हणतोय, 'तुम्हाला माझी स्टाईल कशी वाटली? मी लखनऊचा डॉली चायवाला आहे.'
हा व्हिडीओ पाहिल्यानंतर लोक मजेदार कमेंट्स करत आपली मतं व्यक्त करत आहेत. काही नेटकरी म्हणाले, 'त्याला अजून थोडं ट्रेनिंग घ्यायला हवं!'
हा व्हिडीओ इन्स्टाग्रामवर शेअर करण्यात आला असून, प्रचंड वेगाने व्हायरल होत आहे.