महत्त्वाची कागदपत्रं आणि मौल्यवान वस्तू सुरक्षित ठेवण्यासाठी बँकेचे लॉकर ही उत्तम सुविधा आहे.
बँकेमध्ये बचत खातं अथवा करंट खातं असेल त्याच ग्राहकांना लॉकरची सुविधा पुरवली जाते.
बँकेतील लॉकर सुविधा सुरु करुन घेण्यासाठी आधार कार्ड, पॅन कार्डच्या फोटोकॉपीबरोबरच राहत्या घराचा पत्त्याचा कागदोपत्री पुराव्याची प्रत बँकेकडे जमा करावी लागते.
बँकेच्या लॉकरमध्ये दागिने, मौल्यवान रत्न, कागदपत्रं ठेवणाऱ्यांची संख्या फार मोठी आहे.
मात्र लॉकरसंदर्भातील नियमांनुसार, बँकेच्या लॉकरमध्ये कॅश म्हणजेच चलनी नोटा ठेवता येत नाहीत. असं केलं तर लॉकरधारकाविरोधात कारवाई करण्याचे अधिकार बँकेला असतात.
कोणत्याही बँकेच्या लॉकरमध्ये हत्यार, विस्फोटक पदार्थ किंवा अंमली पदार्थ ठेवणं कायद्याने गुन्हा आहे.
एखादी खराब होणारी, नाशवंत वस्तू लॉकरमध्ये ठेवणं सुद्धा कायद्याने चुकीचं आहे. असं करणाऱ्यालाही बँक दंड करु शकते.
एखादी किरणोत्सर्जन करणारी किंवा कायद्याने बाळगण्यास बंदी असलेली वस्तू बँकेच्या लॉकरमध्ये ठेवणं हा गुन्हा मानला जातो.
बँकेला किंवा लॉकर सुविधा वापरणाऱ्या इतर ग्राहकांना त्रास होईल अशी कोणतीही वस्तू बँकेच्या लॉकरमध्ये ठेवण्यास प्रतिबंध असतो.
यापैकी एखादी जरी वस्तू तुमच्या बँकेच्या लॉकरमध्ये असेल तर तुम्हाला दंड भरावा लागू शकतो तसेच गांभीर्य लक्षात घेत तुमची लॉकर सुविधाही रद्द केली जाऊ शकते.