वृंदावनातील निधीवन ही एक अतिशय पवित्र जागा असून, हे ठिकाण तिथं असणाऱ्या रहस्यमयी वातावरणासाठी ओळखलं जातं.
असं म्हणतात की, निधीवनात रात्रीच्या वेळी भगवान श्रीकृष्ण आणि राधारानी नृत्य करण्यासाठी येतात. रात्रीच्या वेळी इथं दिव्य लीला अनुभवता येतात असं म्हणतात म्हणूनच इथं येण्यास मनाई असते.
स्थानिकांची अशी धारणा आहे की, इथं रात्रीच्या वेळी येणाऱ्यांना आजारपणाचा विळखा बसतो.
निधीवनात वृक्ष आणि वेली विविध रुपांमध्ये असून, ते एकमेकांमध्ये गुंतल्याचं पाहायला मिळतं. भक्तांच्या विश्वासानुसार येथील माती कृष्णाच्या स्पर्शानं पवित्र झाली आहे.
आजही निधीवनातील रहस्य आणि गुपितं अनुत्तरित असून, या ठिकाणाच्या अध्यात्मिकतेकडे सर्वच आकर्षित होतात. येथील मंदिरात सकाळी पक्ष्यांचा सुमधूर आवाज ऐकू येतो.