ट्रेनमधून प्रवास करताना दारू घेऊन जाऊ शकतो का? जाणून घ्या नियम

भारतीय रेल्वे हे देशातील प्रमुख दळणवळणाचे साधन आहे. दररोज लाखो प्रवासी रेल्वेने प्रवास करतात.

ट्रेनमधून प्रवास करताना प्रवासी सोबत बरंच सामान सुद्धा घेऊन प्रवास करतात. यात अनेकांना प्रश्न पडतो की रेल्वे प्रवास करताना बॅगेत दारू घेऊन जाऊ शकतो का?

ट्रेनमधून प्रवास करताना दारूची बॉटल सोबत घेऊन प्रवास करणे किती सुरक्षित आहे याबाबत रेल्वेचे नियम काय म्हणतात याविषयी जाणून घेऊयात.

भारतीय रेल्वेच्या नियमांनुसार ट्रेनमधून दारू घेऊन जाण्यास बंदी आहे. ट्रेनमध्ये सोबत दारू घेऊन जाणं गुन्हा आहे.

जर कोणतीही व्यक्ती ट्रेनमधून प्रवास करताना दारू घेऊन जाताना सापडली तर त्याच्या विरुद्ध भारतीय रेल्वे अधिनियम १९८९ चे कलम १६५ नुसार कारवाई केली जाऊ शकते.

ट्रेनमध्ये दारू घेऊन जाणाऱ्या व्यक्तीवर 500 रुपयांपर्यंतचा दंड आकारला जाऊ शकतो. तसेच काही प्रकरणांमध्ये प्रवासाला ६ महिन्यांचा तुरुंगवास सुद्धा होऊ शकतो.

प्रवासी ट्रेनमध्ये दारू घेऊन जाताना आढळला तर त्याचे तिकीट रद्द होऊ शकते.

भारतीय रेल्वेमध्ये प्रवासी दारू पिऊन किंवा अन्य कोणताही नशा करून प्रवास करू शकत नाही.

दारू शिवाय रेल्वे प्रवासादरम्यान गॅस सिलेंडर, स्टोव, फटाके, ज्वलनशील पदार्थ आणि नारळ इत्यादी गोष्टी घेऊन जाण्यास बंदी आहे.