टॉवेल... रोजच्या वापरातील वस्तू. पण, याच टॉवेलच्या दोन्ही टोकांपाशी काही अंतर सोडून काहीशा रुंद अशा बॉर्डर किंवा पट्ट्या असतात.
या पट्ट्यांचा नेमका वापर माहितीये? X या सोशल मीडियाच्या माध्यमातून एका सॉफ्टवेअर इंजिनिअरनं याबाबतचा प्रश्न नेटकऱ्यांना केला आणि तेसुद्धा पेचात पडले. अनेकांनी मग या प्रश्नाची तितकीच वेगवेगळी उत्तरं दिली.
चांगली बॉर्डर असल्यास टॉवेलची घडी व्यवस्थित बसते असं कारण काहींनी दिलं.
एका युजरनं दिलेल्या उत्तरानुसार त्या पट्टीबाहेरील लहान भाग हात पुसण्यासाठी आणि मध्ये असणारा मोठा भाग हा शरीर पुसण्यासाठी वापरतात. एका युजरच्या मते ही बॉर्डर किंवा पट्टी टॉवेल व्यवस्थित वाळण्यास मदत करते.
nypost च्या माहितीनुसार या बॉर्डरला 'डॉबी बॉर्डर' असं म्हटलं जातं. अमेरिकी टॉवेल विक्रेता 'टॉवेल हब'च्या माहितीनुसार ही पट्टी निव्वळ सजावटीच्याच हेतूनं तिथं असते.
'डॉबी बॉर्डर'मुळं टॉवेलला एक चांगला लूक मिळतो आणि टॉवेल व्यवस्थित पकडता येतो.