किती वेळा कपडे घातल्यानंतर ते धुवावेत? बहुतेक लोक करतात 'ही' चूक

तुम्ही अशा लोकांपैकी आहात का जे एकदा घातलेले कपडे लगेचच वॉशिंग मशीनमध्ये धुता.

की तुम्ही अशा लोकांपैकी आहात जे तेच कपडे अनेक वेळा घातल्यानंतर धुता?

खरंतर या दोन्ही परिस्थितीत तुम्हाला विचार करण्याची गरज आहे. जास्त कपडे धुवून तुम्ही केवळ पर्यावरणावरचा भार वाढवत नाही तर तुमच्या कपड्यांचं नुकसानही करत आहात.

आणखी एक गोष्ट लक्षात ठेवली पाहिजे की, तुम्ही कोणते कपडे आणि कोणत्या फॅब्रिकचे कपडे घालत आहात.

अमेरिकन आरोग्य संस्था नॅशनल इन्स्टिट्यूट ऑफ हेल्थ (NIH) नुसार, पॉलिस्टरसारख्या कृत्रिम कापडांवर बॅक्टेरिया जास्त काळ टिकू शकतात.

तर कापूस आणि मिश्रित तंतूसारख्या नैसर्गिक कापडांवर बॅक्टेरिया कमी काळ टिकतात.

पॉलिस्टरवर बॅक्टेरिया 90 दिवसांपर्यंत जगू शकतात. तर कापसावर ते 30 दिवसांपर्यंत जगू शकतात.

अमेरिकेच्या युटा स्टेट युनिव्हर्सिटीने त्यांच्या वेबसाइटवर अमेरिकन क्लिनिंग इन्स्टिट्यूटचानुसार सिल्क आणि लेसचे कपडे एकदा घातल्यानंतर धुवावेत.

टी शर्ट, वर्कआउट वेअर, टँक टॉप, अंडरवेअर हे देखील घालल्यानंतर प्रत्येक वेळी धुवावेत कारण त्यात बॅक्टेरिया जमा होण्याची आणि घामाची शक्यता जास्त असते.

स्वेटशर्ट आणि स्वेटर सारख्या गोष्टी 3 ते 4 वेळा घातल्यानंतर धुवाव्यात.

संध्याकाळचे गाऊन 3 ते 4 वेळा घातल्यानंतर धुवा. उन्हाळ्याचे कॅज्युअल कपडे आणि त्वचेला जास्त स्पर्श करणारे घट्ट कपडे 1-2 वेळा घातल्यानंतर धुवावेत.