अनेकांना कामाच्या ठिकाणी झोप येते. त्यामुळे कामात पूर्ण लक्ष लागत नाही. शिवाय थकवाही जाणवतो. पण यावर आमच्याकडे काही प्रभावी उपाय आहेत.
दर अर्ध्या ते 1 एक तासानंतर 5 मिनिटांचा ब्रेक घ्या. त्यावेळात एक फेरफटका मारून या. त्याने तुम्हाला झोप येणार नाही.
डिहायड्रेशनमुळे थकवा येऊ शकतो. त्यामुळे थोड्या थोड्या वेळाने पाणी पित रहा.
आपल्या खाण्या पिण्याच्या सवयी आपल्या झोपेवर परिणाम करतात. ताजे आणि पौष्टिक अन्न खाल्यास तुम्हाला थकवा जाणवणार नाही आणि झोपही अवेळी लागणार नाही.
दीर्घ श्वासोच्छ्वास करणे रक्ताभिसरण सुधारण्यास, रक्तदाब कमी करण्यास मदत करू शकते. त्यामुळे तुम्हाला फ्रेश वाटेल.
तुमच्या मनगटाच्या वरच्या भागाच्या प्रेशर पॉइंट्सची मालिश करा. त्यामुळे तुमची उर्जा वाढते असे मानले जाते. हा उपाय तुम्ही करून बघू शकता.
मंद प्रकाशामुळे तुम्हाला अधिक थकवा जाणवू शकतो, म्हणून तुम्ही ज्या ठिकाणी काम करत आहात तिथे प्रकाश वाढवा.
निलगिरी, पेपरमिंट, बर्गामोट, लिंबू किंवा कापूर यांसारख्या गोष्टींचा वास श्वास घेतल्याने आपला मेंदू जागृत होतो. त्यामुळे तुम्हाला झोप न लागण्यास मदत होईल.
काम करताना मूड चांगला राहण्यासाठी तुम्ही सहकर्मचाऱ्यांशी थोड्याफार गप्पा मारू शकता.
एखाद्या वेळी जर काम करताना खूपच झोप येत असेल तर, 10 ते 15 मिनिटांची पॉवर नॅप घ्या.
(Disclaimer: येथे दिलेली माहिती सामान्य माहितीवर आधारित आहे. ZEE 24 TAAS त्याची पुष्टी करत नाही.)