लहान मुलांचे कान टोचत असताना काही गोष्टी लक्षात घेणं गरजेचं असतं, अन्यथा बाळाला वेदना आणि संसर्गाचाही धोका असतो.
बालरोगतज्ज्ञांच्या सल्ल्यानुसार साधारण जन्माच्या सहा महिन्यांनंतर बाळाची रोगप्रतिकारक शक्ती वाढते त्यामुळं तेव्हा त्याचे/ तिचे कान टोचणं योग्य ठरतं.
कान टोचण्यापूर्वी बाळाचं आरोग्य उत्तम आहे राहील याची काळजी पालकांनी घ्यावी. कान टोचल्यानंतर सहसा सोन्याच्याच तारेचा वापर करा.
सोनं, चांदी यांमुळं बाळाला सहसा संसर्ग होत नाही, त्यामुळं पहिल्यांदा कान टोचतान त्यांचाच वापर करण्याचा सल्ला दिला जातो.
आपण ज्या व्यक्तींक़डून बाळाचे कान टोचून घेताय त्या व्यक्तीला यातील अनुभव आणि माहिती आहे का, याची पूर्वकल्पना असणं गरजेचं.
सहा महिन्यांपूर्वी बाळाचे कान टोचायचे असल्यास बाळ किमान 14 आठवड्यांचं म्हणजे साधारण साडेतीन महिन्यांचं असावं आणि तीन महिन्यांपर्यंतचं लसीकरण पूर्ण झालेलं असावं.
कान टोचण्याच्या किमान अर्धा तास आधी बाळाच्या कानाच्या पाळीला आईसपॅक लावा. जेणेकरून वेदना कमी होतील. (वरील माहिती सामान्य संदर्भांवरून घेतली असून, झी 24 तास याची खातरजमा करत नाही.)