बॉलिवूडची 'धकधक गर्ल' माधुरी दीक्षित ही जगातील सर्वात सुंदर आणि प्रतिभाशाली अभिनेत्रींपैकी एक मानली जाते.
जवळपास 30 वर्षांहून अधिक काळ तिने भारतीय सिनेसृष्टीवर अधिराज्य गाजवले आहे.
तिच्या अभिनय कौशल्याने आणि मोहक नृत्यशैलीने तिने प्रेक्षकांचे मन जिंकले आहे. तिच्या अनेक भूमिका आजही प्रेक्षकांच्या आठवणीत ताज्या आहेत.
2023 मध्ये माधुरीने तिच्या सोशल मीडिया अकाउंटवर एक खास पोस्ट शेअर केली होती. या पोस्टमध्ये तिने तिची आवडती हेल्दी स्मूदी रेसिपी शेअर करत धावपळीच्या जीवनशैलीतही आरोग्य कसे जपावे, हे सांगितले.
माधुरी दीक्षितने हे सांगितले होते की, ही स्मूदी तुम्ही व्यस्त दिवसात, सकाळचा नाश्ता, दुपारचे जेवण किंवा झोपण्यापुर्वी कधीही घेऊ शकता.'
2 कप थंड बेरीज (स्ट्रॉबेरी, ब्लुबेरी, रास्पबेरी), अर्धा कप बदामाचे किंवा ओट्स दूध, 1 स्कूप प्रोटीन पावडर, अॅव्होकाडो, सुका मेवा
मिक्सरमध्ये सर्व थंड बेरीज घाला. त्यात अर्धा कप बदामाचे किंवा ओट्सचे दूध मिसळा. त्यावर 1 स्कूप प्रोटीन पावडर टाका आणि चांगले ब्लेंड करा.
अधिक पौष्टिकता हवी असल्यास त्यात अॅव्होकाडो किंवा आवडते ड्राय फ्रूट्सही घालू शकता.
ही हेल्दी स्मूदी कोणत्याही वयोगटातील व्यक्तींसाठी योग्य आहे आणि दिवसभर शरीरात उर्जाही ठेवते.