प्रत्येक देशाची स्वतःची संस्कृती आणि कपड्यांबाबत विशिष्ट नियम असतात.
प्रवास करताना, विशेषतः महिलांनी आपला पोशाख विचारपूर्वक निवडणे आवश्यक असते.
काही देशांमध्ये लहान अथवा घट्ट कपड्यांना स्वीकारले जात नाही. त्यामुळे अशा देशांमध्ये जाण्यापूर्वी तेथील सांस्कृतिक नियम आणि ड्रेस कोडची माहिती करून घेणे महत्त्वाचे आहे.
जर तुम्ही कोणत्याही धार्मिक स्थळी भेट देणार असाल, तर शरीर झाकणारे आणि सभ्य कपडे परिधान करावेत.
पारदर्शक किंवा जाळीदार कापडाचे कपडे अनेकदा अस्वस्थता निर्माण करू शकतात, त्यामुळे अशा प्रकारचे कपडे टाळावेत.
वादग्रस्त संदेश असलेले टी-शर्ट किंवा ठळक घोषणा असलेले पोशाख परिधान करणं टाळावं, कारण ते अडचणीचे ठरू शकतात.
प्रवासादरम्यान अतिशय चमकदार किंवा लक्ष वेधून घेणारे कपडेही टाळावेत, जेणेकरून अनावश्यक लक्ष वेधले जाणार नाही.
हवामानात बदल झाल्यास सोपे लेयर काढता किंवा घालता येतील, अशा पद्धतीने ड्रेसिंग करा.
खूप बॅगी किंवा अत्यंत मोठ्या साइजचे कपडे घालणे टाळावे, कारण ते प्रवासात अडथळा निर्माण करू शकतात आणि अव्यवस्थित दिसू शकतात.