पुजेसाठी वापर करण्याव्यतिरिक्त आरोग्यासाठीदेखील तांब्याच्या भांड्याचे अनेक फायदे आहेत. खास करुन तांब्याची भांडी ही पाणी साठवण्यासाठी उत्तम पर्याय ठरतात.
परंतु, नियमितपणे तांब्याच्या भांड्यांचा वापर केल्याने ती काळी पडतात आणि तांब्याची भांड्यांवरील काळेपणा सहजासहजी निघत नाही.
जर तुम्हाला तांब्यांच्या भांड्यांवरील काळेपणा दूर करुन नव्या भांड्यासारखी चमक आणायची असेल, तर 'या' 4 गोष्टी वापरुन भांडी स्वच्छ करा.
यासाठी लागणारे साहित्य: मातीचा दिवा, लिंबाचा रस, पांढरे मीठ आणि बेकिंग सोडा.
सर्वात आधी एका जुन्या मातीचा दिव्याची अगदी बारीक पावडर तयार करुन घ्या. आता या मातीच्या पावडरमध्ये लिंबाचा रस, पांढरे मीठ आणि बेकिंग सोड्यासोबत थोडे पाणी घालून पेस्ट तयार करुन घ्या.
आता काळं पडलेल्या तांब्याच्या भांड्यावर ही पेस्ट 10 ते 15 मिनिटे व्यवस्थितरित्या लावून ठेवा.
आता त्या भांड्याला लिंबाच्या सालींच्या साहाय्याने हलक्या हाताने घासा.
यानंतर तांब्याचं भांडं स्वच्छ पाण्याने धुवून घ्या आणि नंतर सुती किंवा कॉटनच्या कापडाने पुसून घ्या. असे केल्याने भांड्यावरील काळेपणा दूर होऊन भांडं अगदी नव्यासारखं चमकेल.
इथे देण्यात आलेली माहिती ही सर्वसामान्य ज्ञानावर आधारित आहे. संबंधित माहितीसाठी ZEE 24 Taas जबाबदार नसेल.