अनेक लोकांना घरात मांजरी पाळायला खूप आवडतात आणि ते मांजरीला कुटुंबातील सदस्याप्रमाणेच वागवतात.
लोक आपल्या पाळीव मांजरीसाठी त्यांच्या जेवणापासून ते राहण्यासाठी आणि खेळण्यासाठी उत्तम व्यवस्था करतात.
अशा उत्तम देखरेखीमध्ये देखील अनेक वेळा पाळीव मांजर आपल्या मालकाला चावते. याचा नेमका अर्थ काय? जाणून घेऊयात.
प्राणी तज्ज्ञांच्या मते, मांजर आपल्या मालकाला उगाचच चावत नाही. त्यामागे काही कारणे असू शकतात.
तज्ज्ञांच्या मते, जेव्हा मांजर आपल्या मालकाचे लक्ष एखाद्या गोष्टीकडे वेधू इच्छिते, तेव्हा ती चावू शकते.
कधी कधी, मांजराला भीती, चिंता किंवा असुरक्षितता वाटत असेल, तेव्हा ती चावू शकते.
जर मांजर रागावलेली असेल किंवा खूप उत्साहित असेल, तेव्हाही ती चावू शकते.
जर माणसाला मांजर चावली, तर त्याकडे दुर्लक्ष करू नये. यामुळे जखम आणि बॅक्टेरिया पसरण्याचा धोका निर्माण होऊ शकतो.
मांजर चावल्यास जखम त्वरीत साबण आणि पाण्याने कमीत कमी 5 मिनिटे धुवावे आणि जखमेतून रक्त येत असेल तिथे दाबून ठेवावी.
(Disclaimer - वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही.)