मटणातील कोणता भाग सर्वात पौष्टिक असतो? वाचून आश्चर्य वाटेल

लवकरच श्रावण महिना सुरु होणार आहे. तेव्हा अनेकजण जवळपास महिनाभर मांसाहार करत नाहीत.

त्यामुळे श्रावण सुरु होण्यापूर्वी अनेकजण गटारी साजरी करतात आणि त्यादिवशी आपल्या कुटुंब आणि मित्रांसह मांसाहाराचा आस्वाद घेतात.

मटण म्हणजे बोकडाचे मांस. हे मांस लोह, प्रथिने आणि इतर जीवनसत्वांनी भरपूर असतं. माहितीनुसार 100 ग्रॅम मटणात 33 ग्रॅम प्रोटीन असतं.

मटणामध्ये आयर्न, झिंक आणि व्हिटॅमिन बी12 चे प्रमाण खूप चांगलं असतं ज्याच्या सेवनानं शरीरात ऊर्जा आणि शक्ती टिकून खूप काळ राहते.

डॉ. डी.वाय. पाटील मेडिकल कॉलेज, पुणेचे डॉ. अनूप गायकवाड यांनी quora.com वर सांगितले, बोकडाचं मटण घेण्यापूर्वी तो बोकड खूप लहान किंवा वृद्ध नसावा. तसेच त्याचे सरासरी वजन ८ ते १० किलो असेल असा बोकड उत्तम असतो.

मटण जास्त चविष्ट आणि पौष्टिक हवं असेल तर बोकडाचे पुढचे पाय, शोल्डर, छाती, घसा, बरगड्या आणि लिव्हर घेऊ शकता.

आयआयटी बॉम्बेमध्ये काम केलेल्या अमृता मुखर्जी यांच्या म्हणण्यानुसार मटण करीसाठी बोकडाची मांडी सर्वोत्तम ठरते तसेच यात लिव्हर टाकल्याने त्याची चव द्विगुणित होते. नोकडच्या मांड्यांमध्ये हाडं आणि मांस चांगले असतं.

nhs.uk या हेल्थ वेबसाइटनुसार, निरोगी प्रौढ व्यक्तीने दररोज साधारणपणे 70 ग्रॅमपर्यंत रेड मीट खायला हवं.

(इथं दिलेली माहिती तज्ज्ञांशी केलेल्या चर्चेवर आधारित आहे. ही एक सामान्य माहिती आहे. कोणताही व्यक्तीगत सल्ला नाही. आपण कोणत्याही पदार्थाचं सेवन करण्याआधी याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी ZEE 24 Taas जबाबदार नसेल.)