भारतात एक असं रेल्वे स्थानक आहे ज्याचा अर्धा भाग महाराष्ट्रात तर अर्धा गुजरातमध्ये आहे.
आजच्या महाराष्ट्र आणि गुजरात दिनानिमित्त याच अनोख्या स्थानकाबद्दल जाणून घेऊयात...
या रेल्वे स्थानकावरील तिकीट खिडकी महाराष्ट्रात आहे तर स्टेशन मास्तरची केबीन गुजरातमध्ये आहे.
या रेल्वे स्थानकावर एकूण चार भाषांमध्ये उद्घोषणा होते. हिंदी, इंग्रजी, गुजराती आणि मराठी भाषेत सूचना केल्या जातात.
देशातील हे एकमेव रेल्वे स्थानक आहे जे दोन राज्यांमध्ये वाटलं गेलं आहे.
महाराष्ट्र आणि गुजरातमध्ये अर्ध अर्ध वाटलं गेलेलं हे स्थानक आहे नवापूर रेल्वे स्थानक!
नवापूर रेल्वे स्थानकाच्या पलाटाची एकूण लांबी 800 मीटर असून त्यापैकी 500 मीटर गुजरातमध्ये तर 300 मीटर महाराष्ट्रात आहे.
या रेल्वे स्थानकाचा गुजरातमधील भाग हा तापी जिल्ह्यात आहे तर महाराष्ट्रातील भाग हा नंदुरबार जिल्ह्यात येतो.
नवापूर रेल्वे स्थानक उभारण्यात आलं तेव्हा गुजरात आणि महाराष्ट्राचं विभाजन झालं नव्हतं. 1961 ला दोन राज्य तयार झाली आणि हे स्थानक दोन राज्यात वाटलं गेलं.
नवापूर रेल्वे स्थानकावरील एका बाकड्याचा अर्धा भाग गुजरात आणि अर्धा महाराष्ट्रात आहे. लोक या बाकड्यावर बसून फोटो काढतात.
या स्थानकावर एकूण तीन प्लॅटफॉर्म आणि चार रेल्वे लाईन आहेत. हे स्थानक जळगाव-सूरत मार्गावर आहे.
गुगल मॅपवर हे नवापूर रेल्वे स्थानक असं दोन्ही राज्यांच्या सीमेवर दिसतं.