महाराष्ट्राची राजधानी असलेल्या मुंबईला देशाची आर्थिक राजधानी मानलं जातं. महाराष्ट्र हे देशातील सर्वात श्रीमंत राज्य आहे.
महाराष्ट्र हे देशातील सर्वात श्रीमंत राज्य आहे. मात्र श्रीमंत राज्यांच्या यादीत उत्तर प्रदेश, गुजरातसारख्या राज्यांबरोबरच इतर राज्यं कितव्या स्थानी आहेत?
चला तर 2024 मधील आकडेवारीनुसार फोर्ब्स, पीआरएस लेजिस्लेटिव्ह रिसर्चमधून देशातील सर्वात श्रीमंत राज्य कोणती आहेत यासंदर्भातील माहिती समोर आली आहे ते पाहूयात...
2024 मध्ये महाराष्ट्राचा जीएसडीपी 42.67 लाख कोटी रुपये इतका असून हा सर्व राज्यांच्या तुलनेत सर्वात जास्त आहे.
देशाच्या जीडीपीत महाराष्ट्राचे योगदान 13.30 टक्के इतके आहे.
तामिळनाडू हे देशातील दुसरे सर्वात श्रीमंत राज्य असून त्यांचा जीएसडीपी 31.55 लाख कोटी रुपये इतका असून देशाच्या एकूण जीडीपीच्या 8.90 टक्के इतकं आहे.
कर्नाटकचा जीएसडीपी 28.09 लाख कोटी रुपये इतका असून जीडीपीच्या प्रमाणात त्याची टक्केवारी 8.20 इतकी आहे. हे राज्य श्रीमंत राज्यांच्या यादीत तिसऱ्या स्थानी आहे.
गुजरात हे राज्यातील चौथे सर्वात श्रीमंत राज्य असून या राज्याच्या जीएसडीपी 27.9 लाख कोटी रुपये इतका आहे. हे प्रमाण देशाच्या जीडीपीच्या 8.10 टक्के आहे.
24.99 लाख कोटी रुपये जीएसडीपीसहीत श्रीमंत राज्यांच्या यादीत उत्तर प्रदेश पाचव्या स्थानी असून त्याचं देशाच्या जीडीपीतील योगदान 8.40 टक्के इतकं आहे.
सहाव्या स्थानी पश्चिम बंगाल असून त्यांचा जीएसडीपी 18.8 लाख कोटी रुपये इतका असून सातव्या स्थानी राजस्थानचा क्रमांक लागतो. राजस्थानचा जीएसडीपी 17.8 लाख कोटी रुपये इतका आहे.
श्रीमंत राज्याच्या यादीत तेलंगण, आंध्र प्रदेश आणि मध्य प्रदेश अनुक्रमे आठव्या, नवव्या आणि दहाव्या स्थानी आहेत. अव्वल 10 मध्ये बिहारचा समावेश नाही.