उज्ज्वल निकमांवर येणार बायोपिक?

प्रसिद्ध ज्येष्ठ वकील उज्ज्वल निकम यांनी आता राजकारणात एन्ट्री घेतली आहे.

राजकारणाच्या पदार्पणातच त्यांना खासदारकीची उमेदवारी मिळाली आहे.

उज्ज्व निकल भाजपकडून मुंबई उत्तर मध्य मतदारसंघातून निवडणूक लढवणार आहेत. त्यांची लढत वर्षा गायकवाड यांच्यासोबत असणार आहे.

दरम्यान उज्ज्वल निकम यांच्यावर बायोपिक येणार असल्याची चर्चादेखील जोर धरु लागली आहे.

बॉलिवूडचा मिस्टर परफेक्शनिस्ट आमिर खान उज्ज्वल निकम यांची भूमिका साकारणार असल्याचे बोलले जाते.

उज्ज्वल निकम यांच्यावरील बायोपिकचा प्रस्ताव आमिर खानकडे कोरोना महामारीच्या आधी आला होता.

यानंतर अनेक निर्मात्यांनी हा सिनेमा बनवण्याचा प्रयत्न केला पण गोष्ट पुढे गेली नाही.

निर्माता दिनेश विजनसोबत आमिर खान या सिनेमात मुख्य भूमिकेत दिसेल असे म्हटले जात होते.

यासंदर्भात आमिर किंवा उज्ज्वल निकम यांनी अधिकृत माहिती दिली नाही. त्यामुळे कालांतराने या चर्चा बंद झाल्या.