भारताचा गोल्डन बॉय नीरज चोप्राने World Athletics Championships मध्ये सुवर्णपदक जिंकत इतिहास रचला आहे.
World Athletics Championships मध्ये सुवर्णपदक जिंकणारा नीरज चोप्रा पहिला भारतीय खेळाडू ठरला आहे.
नीरज चोप्राने 88.17 मीटर दूर भाला फेकत सुवर्णपदकावर आपलं नाव कोरलं.
सुवर्णपदक जिंकल्यानंतर नीरज चोप्राला बक्षीस म्हणून 70 हजार डॉलर्स म्हणजेच 58 लाख रोख रक्कम मिळाली आहे.
दरम्यान दुसऱ्या क्रमांकावर राहिलेल्या पाकिस्तानच्या अर्शद नदीमला 29 लाख रुपये मिळाले आहेत. त्याने 87.82 मीटर दूर भाला फेकत रौप्यपदक जिंकलं.
तसंच 86.67 मीटर दूर भालाफेक करत कांस्यपदक जिंकणाऱ्या Czech Republic च्या जॅकबला 18 लाखांची रक्कम मिळाली.
भारतीय भालाफेकपटू किशोर जेना (84.77 मी) आणि डीपी मनू (84.14 मी) अनुक्रमे पाचव्या आणि सहाव्या स्थानावर राहिले. पहिल्यांदाच तीन भारतीयांनी टॉप आठमध्ये आले.
एकाच वेळी ऑलिम्पिक आणि वर्ल्ड चॅम्पियनशिपचे विजेतेपद पटकावणारा नेमबाज अभिनव बिंद्रानंतर नीरज चोप्रा दुसरा भारतीय खेळाडू ठरला आहे.
त्याच्या आधी, लांब उडीपटू अंजू बॉबी जॉर्जने 2003 च्या जागतिक स्पर्धेत कांस्यपदक जिंकले होते.