आयपीएल 2024 चा आठवा सामना हैदराबादमध्ये सनरायझर्स हैदराबाद आणि मुंबई इंडियन्स यांच्यात खेळवला जातोय.
राजीव गांधी इंटरनॅशनल स्टेडियमवर रोहित शर्माने इतिहास रचला आहे. कोणालात जमलं नाही ते रोहितने करून दाखवलं.
रोहित शर्मा बुधवारी मुंबई इंडियन्सकडून 200 आयपीएल सामने खेळणारा पहिला क्रिकेटर ठरला.
रोहित शर्माने मुंबई इंडियन्ससाठी 199 आयपीएल सामन्यात 5084 धावा केल्या आहेत.
सचिन तेंडूलकरने रोहित शर्माला 200 नंबरची जर्सी भेट देऊन हिटमॅनचं कौतूक केलं. रोहित शर्मा 2011 मध्ये मुंबई इंडियन्समध्ये सामील झाला होता.
मुंबईची जबाबदारी सांभाळताना 2013, 2015, 2017, 2019 आणि 2020 मध्ये त्याने पाचवेळी आयपीएल जिंकवली आहे.
दरम्यान, आयपीएलमध्ये खेळताना 208 सामन्यांमध्ये रोहितने 5357 धावा केल्या आहेत, ज्यात 204 डावात एक शतक आणि 35 अर्धशतकांचा समावेश आहे.