जोहान्सबर्ग येथे खेळल्या गेलेल्या भारत आणि दक्षिण आफ्रिका यांच्यातील मालिकेतील तिसरा आणि शेवटचा T20 सामना जिंकला. या सामन्यात भारतीय कर्णधार सूर्यकुमार यादवने शतक झळकावून अनेक मोठे विक्रम आपल्या नावावर केले.
भारताने दक्षिण आफ्रिकेविरुद्धच्या तिसऱ्या T20 आंतरराष्ट्रीय सामन्यात 106 धावांनी मोठा विजय नोंदवला. भारताचा हा दक्षिण आफ्रिकेविरुद्धचा सर्वात मोठा T20 विजय आहे.
त्याने 56 चेंडूत 7 चौकार आणि 8 षटकार मारत 100 धावा केल्या. शतकासह त्याने अनेक मोठे विक्रम नावावर करत कोहलीला मागे टाकले .
सूर्यकुमार यादवने या सामन्यात शतक झळकावले आणि क्रिकेटच्या या सर्वात लहान स्वरूपातील चौथे शतक पूर्ण केले.
T20I मध्ये सर्वाधिक शतके ठोकणारा जगातील फलंदाज बनला आहे. रोहित शर्मा आणि ग्लेन मॅक्सवेलसह तो या यादीत अव्वल आहे. या दोन्ही फलंदाजांच्या नावावर 4-4 शतके आहेत.
सूर्यकुमार यादवची ही चार शतके वेगवेगळ्या देशांमध्ये झाली. वेगवेगळ्या देशांमध्ये टी-20 आंतरराष्ट्रीय क्रिकेटमध्ये चारही शतके झळकावणारा तो पहिला खेळाडू ठरला आहे.
या सामन्यात सूर्यकुमार यादवने 8 लांब षटकार ठोकले. भारतासाठी टी-20 आंतरराष्ट्रीय क्रिकेटमध्ये सर्वाधिक षटकार मारण्याच्या बाबतीत त्याने कोहलीला मागे टाकले आहे. या फॉरमॅटमध्ये कोहलीच्या नावावर 117 षटकार आहेत.
सूर्यकुमारने यापूर्वी 123 षटकार मारले आहेत. यासोबतच तो जगात सर्वाधिक षटकार मारणाऱ्यांच्या यादीत पाचव्या स्थानावर आहे. आणखी 2 षटकार मारताच तो ख्रिस गेलला (124) मागे टाकेल.
या यादीत रोहित शर्मा पहिल्या क्रमांकावर आहे. त्याच्या नावावर 182 षटकार आहेत. तो भारत आणि जगाचा नंबर 1 सिक्स हिटर आहे.
आतापर्यंत भारतासाठी टी-20 आंतरराष्ट्रीय क्रिकेटमध्ये कर्णधार म्हणून शतक ठोकण्याचा विक्रम रोहित शर्माच्या नावावर होता, मात्र आता या यादीत सूर्यकुमार यादवचाही समावेश झाला आहे.
रोहितने कर्णधार असताना 2 शतके झळकावली आहेत, तर सूर्यकुमार यादवने कर्णधार म्हणून एक शतक झळकावले आहे.