आई, कुस्ती जिंकली, माझा पराभव झाला...माफ करा, तुझे स्वप्न, माझे धैर्य सर्व तुटले, माझ्याकडे यापेक्षा जास्त ताकद नाही. अशी भावूक पोस्ट विनेश फोगाटने लिहिलीय.
50 किलोपेक्षा अधिक काहीग्रॅम वजन वाढल्याने विनेश फोगाट ऑलिम्पिकमधून अपात्र ठरली. त्यामुळे नाराज झालेल्या विनेशनं कुस्तीतून निवृत्तीचा निर्णय घेतलाय, अशी चर्चा सुरू आहे.
विनेशच्या या निर्णयाने सर्वांनाच आश्चर्याचा धक्का बसलाय. विनेशने भावनेच्या आहारी जाऊन असा निर्णय घ्यायला नको हवा होता, असं क्रिडाप्रेमी म्हणतायेत. अशातच महावीर फोगाट यांनी मोठं वक्तव्य केलंय.
यावेळी ऑलिम्पिकमध्ये सुवर्णपदक निश्चित झालं पण विनेश अपात्र ठरली. हीच गोष्ट तिला त्रास देत आहे. आणि म्हणूनच तिने असा निर्णय घेतला, असं महावीर फोगाट म्हणाले.
विनेश परत आली की, ती पुढच्या ऑलिम्पिकमध्ये भाग घेण्यास तयार आहे का? हे समजून घेण्याचा आम्ही सर्वजण प्रयत्न करू, असं देखील महावीर फोगाट म्हणाले.