स्मृती मंधानाच्या नेतृत्वाखाली बंगळुरुच्या संघाने पहिल्यांदाच महिलांच्या वुमन्स प्रिमिअर लीगमध्ये जेतेपदावर नाव कोरलं
भारताची महिला क्रिकेटपटू स्मृती मंधानाचा मैदानाबरोबरच मैदानाबाहेरही फार मोठ्या प्रमाणात चाहतावर्ग आहे.
स्मृतीच्या लोकप्रियतेचा अंदाज तिचे सोशल मीडिया अकाऊंटवरील फॉलोअर्सची आकडेवारी पाहिल्यानंतरच लक्षात येते.
स्मृतीच्या फलंदाजीच्या शैलीबरोबरच तिचे लूक्सही सोशल मीडियावर फारच चर्चेत असतात.
स्मृती इतकी सुंदर दिसते की अनेकदा तिचा उल्लेख नॅशनल क्रश म्हणजेच देशभरातील तरुणाईची पसंत म्हणूनही करुन दिली जाते.
वुमन्स प्रिमिअर लीगच्या स्पर्धेमध्ये दिल्लीला पराभूत करुन बंगळुरुला पहिल्यांदाच जेतेपद मिळवून देणाऱ्या स्मृतीचं सध्या सर्वच स्तरातून कौतुक होत आहे.
सोशल मीडियावर वुमन्स प्रिमिअर लीगच्या जेतेपदाची ट्रॉफी उंचावणाऱ्या स्मृतीचे अनेक फोटो सध्या व्हायरल झालेत.
स्मृतीच्या या व्हायरल फोटोंपैकी एकाने सर्वांचेच लक्ष वेधून घेतले आहे. या फोटोत स्मृती एका स्पेशल व्यक्तीसोबत दिसत आहे.
स्मृतीबरोबर जी व्यक्ती दिसत आहे तिचं नाव आहे, पलाश मुछाल! पलाश हा प्रसिद्ध पार्श्वगायिका पलक मुछालचा भाऊ आहे.
स्मृतीबरोबर पलाशचा फोटो व्हायरल झाल्याने हे दोघे रिलेशनमध्ये असल्याची चर्चा पुन्हा जोर धरु लागली आहे. विशेष म्हणजे हे दोघे असे पहिल्यांदाच एकत्र दिसले नाहीत.
यापूर्वीही अनेकदा पलाश आणि स्मृती एकत्र दिसून आले आहेत. त्यांचे अनेक फोटो सोशल मीडियावर व्हायरल झाल्याचं पाहायला मिळालं.
पलक मुछाल आणि स्मृती चांगल्या मैत्रीणी आहेत. त्यातूनच या दोघांची ओळख झाल्याचं सांगितलं जातं.
आपली थोरली बहीण पलक मुछालप्रमाणे पलाशही संगीतकार आहे. अगदी गाणी लिहिण्यापासून ते त्याला संगीत देण्यापर्यंतच सर्वच बाबतीत पलाश माहीर आहे.
स्मृती आणि पलाश एकमेकांना डेट करत असल्याची चर्चा होती. मात्र आता वुमन्स प्रिमिअर लीगचे जेतेपद साजरे करताना दोघे एकत्र दिसून आल्यानंतर यावर जवळपास शिक्कामोर्तब झालं आहे.