वाहतूक कोंडी ही सध्या देशाच्या प्रत्येक राज्यात डोकं वर काढणारी आणि सामान्यांना पेचात पाडणारी एक मोठी समस्या आहे असं म्हणणं गैर ठरणार नाही.
देशभरात मागील काही वर्षांपासून खासगी वाहनांच्या संख्येत झालेली लक्षणीय वाढ पाहता सिग्नल यंत्रणासुद्धा या वाहतूक कोंडीपुढं फिकी पडताना दिसत आहे.
पण, कधी तुम्ही या प्रश्नाचं उत्तर शोधण्याचा प्रयत्न केला आहे की जिथं तासन् तास वाहतूक कोंडीत कार उभी असते तिच कार मिनिटभराच्या सिग्नवर थांबली तर किती पेट्रोल पिते?
लक्षात ध्या वाहनाचं इंजिन आणि मॉडेल ते वाहन किंवा ती कार नेमकं किती इंधन संपवणार हे सांगून जाते. त्यामुळं हे प्रमाण प्रत्येक वाहनानुसार वेगळं असतं.
खर्च होणारं इंधन कारमध्ये वापरला जाणारा एसी आणि त्याच्या तापमानावरही अवलंबून असतं. शिवाय इंजिनाचं तापमानही किती इंधन वापरलं जाणार य़ावर परिणाम करून जातं.
सिग्नलवर थांबलं असता इंजिन सुरूच असतं फक्त कारला अॅक्सिलरेशन नसतं. त्यामुळं अशा परिस्थितीमध्ये पेट्रोल अधिक वापरलं जातं.
एक सरासरी आकडा काढायचा झाल्यास मिनिटभर कार सिग्नलवर थांबली तर, साधारण 0.05 लीटक पेट्रोल संपतं. तर, कार मोठी असल्यास हा आकडा 0.10 पर्यंतसुद्धा पोहोचतो.