बिहारमधील चर्चेतील युट्यूबर मनीष कश्यप हा काही आठवड्यांपूर्वी तुरुंगातून बाहेर आला.
युट्यूबवर मनीषने शेअर केलेल्या एका व्हिडीओमध्ये चुकीची माहिती दिल्याचा ठपका ठेवत त्याला तुरुंगात टाकण्यात आलेलं.
मनीषने तामिळनाडूमध्ये बिहारमधील कामगारांबरोबर भेदभाव झाल्याचा आरोप केला होता. याच चुकीचे दावे करणाऱ्या व्हिडीओमुळे त्याला तुरुंगवास झाला.
तब्बल 9 महिन्यांनंतर मनीष तुरुंगामधून बाहेर पडला. त्याला बेउरच्या तुरुंगातून मुक्त करण्यात आलं.
मला कारण नसताना फसवण्यात आलं. बिहारमध्ये कंसाचं सरकार आहे, अशी टीका मनीषने तुरुंगातून बाहेर पडल्यावर केली.
मनीष तुरुंगाबाहेर येण्याआधी मोठ्या संख्येनं त्याचे समर्थक तुरुंगाबाहेर जमा झाले होते. फुलांचे हार घालून चाहत्यांनी मनीषचं स्वागत केलं.
युट्यूबवरुन किती पैसे कमवतो याबद्दल विचारण्यात आलं असता मनीषने या प्रश्नाचं थेट आकड्यासहीत उत्तर दिलं.
मी युट्यूब चॅनेलच्या माध्यमातून कंपनीच्या नावाने दर महिन्याला 10 लाख रुपये कमवतो, असं मनीष म्हणाला.
माझ्या खात्यात 40 लाख रुपये होते तरी ते सील करण्यात आल्याचा दावा मनीषने केला. या कारवाईवरुन त्याने राज्य सरकारवर निशाणा साधला.
मी 5 लाख रुपये आयकर भरला आहे तर माझ्या जोडीदाराने साडेचार लाख रुपयांचा आयकर भरल्याचं मनीषने म्हटलं आहे.