Amazon Layoff: 14 हजार कर्मचाऱ्यांवर बेरोजगारीची टांगती तलवार, धक्कादाय कारण समोर!

अमेझॉन कर्मचारी कपात

Amazon Layoff: जगातील सर्वात मोठ्या ई-कॉमर्स कंपन्यांच्या यादीत समाविष्ट असलेल्या अमेझॉन कंपनीने पुन्हा एकदा कर्मचारी कपातीची घोषणा केली. 2025 च्या सुरुवातीपासून अमेझॉन कंपनी सुमारे 14 हजार व्यवस्थापकांच्या पदावरील कर्मचाऱ्यांना काढून टाकण्याच्या तयारीत आहे. या कठोर पावलानंतर कंपनीचा दरवर्षी $2.1 अब्ज ते $3.6 अब्ज अतिरिक्त खर्च वाचणार आहे. यामुळे कंपनीने हे पाऊल उचलल्याचे सांगितले जात आहे.  जगभरातील कंपनीच्या कार्यालयांमध्ये व्यवस्थापन कर्मचाऱ्यांची संख्या 13 टक्क्यांनी कमी करण्यात आली आहे. व्यवस्थापकांची संख्या 1 लाख 5 हजार 770 वरून 91  हजार 936 पर्यंत कमी होईल. कमी व्यवस्थापक असल्याने अनावश्यक संघटनात्मक स्तर दूर होतील आणि कंपनीची वाढ होण्यास मदत होईल, असे सांगण्यात येत आहे. यापूर्वी अमेझॉनच्या कम्युनिकेशन्स अँड सस्टेनेबिलिटी युनिटमधून कर्मचाऱ्यांना काढून टाकण्यात आले होते. टीमची पुनर्रचना करून कामकाज सुरळीत करण्याचे कारण त्यावेळी देण्यात आले. बिझनेस इनसाइडरच्या अहवालानुसार, सीईओ अँडी जॅसी यांच्या आदेशानुसार ही कपात केली जात आहे.

Add Zee News as a Preferred Source

मोठ्या कंपन्या कर्मचाऱ्यांची कपात का करतायत?

कामाची कार्यक्षमता वाढवण्याच्या आणि निर्णय घेण्याची प्रक्रिया सुलभ करण्याच्या धोरणाशी सुसंगत असल्याने मोठ्या कंपन्यांमध्ये कर्मचारी कपात केली जाते. 2025 च्या पहिल्या तिमाहीपर्यंत वैयक्तिक योगदानकर्ते आणि व्यवस्थापकांचे प्रमाण किमान 15 टक्क्यांपर्यंत वाढवण्याचे जेसीचे उद्दिष्ट आहे. यावर्षी तंत्रज्ञान आणि किरकोळ क्षेत्रातील दिग्गज कंपन्या कृत्रिम बुद्धिमत्तेच्या आव्हानांना तोंड देण्यासाठी आणि जास्तीत जास्त नफा मिळविण्यावर त्यांचे पूर्ण लक्ष केंद्रित करण्यासाठी कर्मचाऱ्यांना कामावरून काढून टाकले जात आहे.

अंदाजे कर्मचारी कपात

मॉर्गन स्टॅनलीच्या अहवालानुसार, येत्या काळात अॅमेझॉन त्यांच्या व्यवस्थापन कर्मचाऱ्यांची संख्या सुमारे 13 हजार 834 ने कमी करू शकते. कंपनीने त्यांच्या खर्च कपात धोरणाचा भाग म्हणून 'ब्युरोक्रसी टिपलाइन' लाँच केली आहे. याअंतर्गत कर्मचाऱ्यांच्या अकार्यक्षमता ओळखल्या जातील. याबाबत व्यवस्थापकांना सूचनाही देण्यात आल्या आहेत.

गेल्या अनेक वर्षांपासून अमेझॉन सतत कर्मचाऱ्यांची कपात 

गेल्या अनेक वर्षांपासून Amazon मध्ये कर्मचाऱ्यांची कपात सतत होत असते. कंपनीमध्ये कपातीची सर्वात मोठी लाट 2022 मध्ये दिसून आली. तेव्हा 27 हजार कर्मचाऱ्यांना कर्मचाऱ्यांमधून काढून टाकले होते. ही कपात विविध विभागांमधून करण्यात आली. पण तेव्हापासून कंपनीने काही विशिष्ट टीममधील कर्मचाऱ्यांची कपात करण्याचे प्रमाण कमी केले होते. ज्या विभागात कर्मचारी अनावश्यक आहेत तिथे कपात केली जात आहे.