Felix Baumgartner Death News: इटलीच्या पोर्टो सँट'एल्पिडिओ येथे झालेल्या पॅराग्लायडिंग अपघातात ५६ वर्षीय फेलिक्स बॉमगार्टनर यांचा मृत्यू झाला. हवेत असतानाच त्यांना अस्वस्थता जाणवत होती.
){kind=small}
){kind=logo}
){kind=logo}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=logo}
){kind=logo}
){kind=logo}
){kind=logo}
){kind=small}
){kind=logo}
)
Felix Baumgartner Death News: जगप्रसिद्ध अॅडव्हेंचर स्पोर्ट्स अॅथलीट फेलिक्स बाउमगार्टनर यांचे निधन झाले आहे. वयाच्या 56व्या वर्षी त्यांनी इटलीत पराग्लायडिंग करताना अखेरचा श्वास घेतला. इटलीच्या पोर्तो सांत’एलपिडिओ या समुद्रकिनाऱ्याच्या गावात ही दुर्घटना घडली.
फेलिक्स बाउमगार्टनर पराग्लायडिंग करत असताना हवेतच त्यांना अचानक त्रास जाणवायला लागला. त्यानंतर त्यांनी नियंत्रण गमावले आणि थेट जवळच्या एका हॉटेलच्या स्विमिंग पूलमध्ये कोसळले. या अपघातात त्यांचा जागीच मृत्यू झाला. अपघात घडताना फेलिक्स यांच्यासोबत एक महिला देखील होती. मात्र तिला किरकोळ दुखापत झाली आहे. अपघाताचा नेमका कारण अद्याप समोर आलेले नाही. इटलीतील स्थानिक मीडिया आणि स्काय स्पोर्ट्स ऑस्ट्रिया यांनी याबाबतची माहिती दिली आहे.
अपघाताच्या वेळी फेलिक्स यांनी वापरत असलेले मोटर पराग्लायडर अचानक बिघडल्याने ते हॉटेलच्या परिसरात कोसळले. या दरम्यान ते हॉटेलमधील एका कर्मचाऱ्याला देखील लागले. कर्मचाऱ्याच्या मानेला किरकोळ इजा झाली असल्याचे वृत्त आहे.
फेलिक्स बाउमगार्टनर यांनी 2012 मध्ये जगभरात प्रसिद्धी मिळवली होती, जेव्हा त्यांनी ‘रेड बुल स्ट्रॅटोस’ प्रोजेक्ट अंतर्गत अंतराळाच्या सीमारेषेवरून थेट पृथ्वीवर झेप घेतली होती. त्यांनी 1,28,100 फूट (39,045 मीटर) उंचीवरून उडी घेतली होती. ही उडी आजही जगातील सर्वात उंच मानवी बलून फ्लाइट आणि पॅराशूट जंप म्हणून नोंदली गेली आहे.
फेलिक्स यांच्या या साहसामुळे त्यांना 'स्पेस जम्पर' म्हणून ओळखलं जातं. त्यांची ही धाडसी कामगिरी आजही अॅडव्हेंचर स्पोर्ट्समधील ऐतिहासिक कामगिरी मानली जाते. त्यांच्या निधनामुळे अॅडव्हेंचर क्रीडा क्षेत्रात हळहळ व्यक्त केली जात आहे.
