20 जणांची टीम, 8 महिने वॉच अन् इराणच्या ओपेनहायमरची हत्या; मोसादची कारवाई पाहून तोंडात बोटं घालाल!

फखरजादेहची हत्या

Mossads Action: इराणचा अणुकार्यक्रम प्रमुख मोहसेन फखरजादेह नोव्हेंबर 2020 मध्ये तेहरानपासून काही अंतरावर मारला गेला. इस्रायली गुप्तचर संस्था मोसादने एका खळबळजनक कारवाईत फखरजादेहला आपल्या मार्गातून हटवल्याचे सांगितले जाते. फखरजादेहची हत्या रिमोट कंट्रोल सॅटेलाइटशी जोडलेल्या मशीन गनने करण्यात आल्याची माहिती त्यांच्या मृत्यूनंतर इराणच्या सर्वोच्च सुरक्षा परिषदेच्या एका अधिकाऱ्याने दिली.

20 जणांनी 8 महिने ठेवलं लक्ष

फखरजादेहच्या हत्येत रिमोट कंट्रोल मशीन गनचा वापर करण्यात आला होता. विशेष म्हणजे शस्त्रे तुकड्या तुकड्यांमध्ये इराणमध्ये आणण्यात आली होती. नंतर ती गुप्तपणे जमवण्यात आली. त्याच वेळी, फखरजादेहवर लक्ष ठेवण्यासाठी 20 जणांची टीम तैनात करण्यात आली होती. त्यांनी सुमारे 8 महिने त्याच्यावर बारकाईने लक्ष ठेवले. बीबीसी हिंदीने 'टार्गेट तेहरान' या पुस्तकाचा हवाला देत यासंदर्भात वृत्त दिले होते.

चेहरा ओळखण्याचे तंत्रज्ञान बनलं आधार

मोसादसाठी काम करणाऱ्या एजंट्सनी इमान खामेनी चौकात एक पिकअप पार्क केली होती. त्यात अमेरिकन M240C मशीन गन लपलेली होती. त्याची खासियत अशी आहे की, हजारो मैल दूर बसलेले लोक चेहरा ओळखण्याच्या तंत्रज्ञानाचा वापर करून रिमोट कंट्रोलने ते चालवू शकतात. तिथे उभ्या असलेल्या दुसऱ्या कारमध्ये बसवलेल्या कॅमेऱ्यांनी फोटो काढला आणि फखरजादे हाच गाडीतून जाणाऱ्या व्यक्ती होता याची खात्री केली. त्यांचा निशाणा इतका अचूक होता की त्याच्या शेजारी बसलेल्या त्याच्या पत्नीला दुखापत झाली नाही. एका इराणी वृत्तसंस्थेच्या वृत्तात यासंदर्भात माहिती देण्यात आली आहे. 

यानंतर, फखरजादेच्या गाडीवर मशीन गनमधून एकूण 13 राउंड गोळीबार करण्यात आला. नंतर विशेष म्हणजे मशीन गन ज्या पिकअपमध्ये ठेवली होती त्यातच स्फोट झाला. ही मशीन गनने इतक्या अचूकतेने लक्ष्यांवर आदळले की त्याच्या शेजारी बसलेल्या त्याच्या पत्नीला दुखापत झाली नाही. असे असले तरी त्याच्या अंगरक्षकाला 4 गोळ्या लागल्या. कारण त्याने फखरजादेला वाचवण्यासाठी मध्यभागी उडी मारली होती.

इराणसाठी फखरजादेह किती महत्त्वाचा होता?

2010 मध्ये एका जर्मन मासिकाने फखरजादेह यांना इराणचा ओपेनहायमर म्हटले होते. खरं तर अमेरिकेने ओपेनहायमरच्या देखरेखीखाली पहिला अणुबॉम्ब बनवला. अणुकार्यक्रमासाठी फखरजादेह उत्तर कोरिया, पाकिस्तान, रशिया आणि चीनमधील शास्त्रज्ञांशीही संपर्कात होते. फखरजादेह यांनी इराणच्या अणुकार्यक्रमाला एक नवीन दिशा दिली. ते थेट त्यांच्या सर्वोच्च नेत्याशी बोलत असे त्यांच्याबद्दल सांगितले जाते. अणुप्रश्नांवर त्यांचे विचार मूलगामी होते. फखरजादेह यांच्या हत्येनंतर इराणचा अणुकार्यक्रम मागे पडला. त्यांच्या मृत्यूनंतर इराणची बॉम्ब बनवण्याची क्षमता आणखी किमान 2 वर्षांनी वाढली असे मानले जाते.