प्रतीक्षा संपणार! 10, 9, 7, 6, 8.... Sunita Williams ना माघारी आणण्यासाठी नासा-SpaceX चं यान रवाना, पाहा कशी आहे मोहिम
Sunita Williams Return from Space : कधी आणि किती वेळानंतर सुनिता विलियम्स पृथ्वीवर परतणार? 9 महिन्यांनंतर अवराशातील मुक्काम संपवून भारतीय वंशाच्या विलियम्स यांच्या या प्रवासावर साऱ्या जगाचं लक्ष...
 "प्रतीक्षा संपणार! 10, 9, 7, 6, 8.... Sunita Williams ना माघारी आणण्यासाठी नासा-SpaceX चं यान रवाना, पाहा कशी आहे मोहिम")
Sunita Williams Return from Space : आठ एक दिवसांच्या मोहिमेसाठी अवकाशात गेलेल्या सुनिता विलियम्स यांच्या यानात बिघाड झाल्यानं त्यांचा तेथील मुक्काम वाढला आणि पाहता पाहता 9 महिन्यांचा काळ त्यांना पृथ्वीपासून दूर अवकाशातच मुक्काम करावा लागला. भारतीय वंशांच्या अंतराळवीर आणि नासासाठीच्या अनेक मोठ्या मोहिमांमध्ये महत्त्वाची भूमिका बजावणाऱ्या विलियम्स अखेर पृथ्वीवर परतण्यासाठी सज्ज झाल्या आहेत.
विलियम्स आणि बुल विल्मोर या अंतराळवीरांना पृथ्वीवर परत आणण्यासाठी नासा (NASA) आणि स्पेसएक्स (SpaceX) यांच्या संयुक्त विद्यमाने क्रू-10 मिशन लाँच करण्यात आलं आहे. ज्याअंतर्गत इंटरनॅशनल स्पेस स्टेशनवरून या दोन अंतराळवीरांना पृथ्वीवर परत आणलं जाणार आहे.
अमेरिकन प्रमाण वेळेनुसार शुक्रवारी सकाळी 7 वाजून 30 मिनिटांनी फाल्कन 9 रॉकेचच्या माध्यमातून ही मोहिम लाँच करण्यात आली. ज्यामध्ये ड्रॅगन स्पेसक्राफ्ट असल्याचं सांगण्यात आलं. या मोहिमेअंतर्गत चार नवे अंतराळवीर अवकाशात पाठवण्यात आले, जे ISS वर कार्यरत राहतील आणि तिथं असणाऱ्या क्रू-9 च्या सदस्यांची मदत करतील. विलियम्स आणि विल्मोर यांना माघारी आणण्यासाठीच्या प्रवासातील हा एक अतीव महत्त्वाचा टप्पा असल्याचं म्हटलं जात आहे.
हेसुद्धा वाचा : Weather News : सूर्य आग ओकतानाच पावसाचा शिडकावा; महाराष्ट्रासह देशासाठी हवामानाचा अनपेक्षित इशारा जारी
Have a great time in space, y'all!
#Crew10 lifted off from @NASAKennedy at 7:03pm ET (2303 UTC) on Friday, March 14. pic.twitter.com/9Vf7VVeGev— NASA (@NASA) March 14, 2025
A new crew is on its way to the @Space_Station!
#Crew10 lifted off from @NASAKennedy at 7:03pm ET (2303 UTC) on Friday, March 14, to set new scientific frontiers in low Earth orbit: https://t.co/JPV9nCiz4t pic.twitter.com/I28A8yLoDJ— NASA (@NASA) March 15, 2025
जूननंतर लांबलेला विलियम्स यांचा प्रवास
सुनिता विलियम्स आणि बुच विल्मोर 2024 मध्ये 5 जून रोजी बोईंग स्टारलायनरच्या मदतीनं इंटरनॅशनल स्पेस स्टेशन इथं पोहोचले होते. तिथं नासा आणि बोईंगल्या जॉइंट क्रू फ्लाइट टेस्ट मिशनसाठी काम करून त्यांनी आठवडाभरात परतणं अपेक्षित होतं. पण, काही तांत्रिक बिघाडांमुळे त्यांचा तेथील मुक्काम वाढतच गेला. यादरम्यान अवकाशात या अंतराळवीरांना अनेक आव्हानांचा सामना करावा लागला होता. त्यामुळं आता त्यांच्या परतीच्या प्रवासाकडे सर्वांचच लक्ष लागलं आहे.
Sayali Patil
सायली पाटील या 'झी 24 तास डिजीटल'मध्ये सिनियर सब एडिटर पदावर कार्यरत असून, त्यांना पत्रकारिता क्षेत्रातील 11 वर्षांचा अनुभव आहे. त्यांनी 'लोकमत', 'लोकसत्ता' या वृत्तपत्रांसाठी काम केलं. 'लोकसत्ता'मधील 'VIVA' या जीवनशैली विषयावर आधारित पुरवणीसाठी त्यांनी लिखाण केलं पुढे त्यांनी लोकसत्ता डिजीटलसाठी काम केलं. त्यांनी 'एबीपी माझा' च्या डिजीटल टीमसोबत कामाचा अनुभव घेत 2021 मध्ये पुन्हा एकदा 'झी 24 तास डिजीटल'मध्ये रुजू होत विविध विषयांवरील बातम्यांमध्ये योगदान दिलं. मनोरंजन आणि Lifestyle विषयांतील सुरुवातीचा अनुभव आणि त्यानंतर राजकारण, आरोग्य, प्रवास, राज्यस्तरीय बातम्यांमध्येही त्यांचा हातखंड आहे. सिनेमांचं समीक्षण, राष्ट्रीय स्तरावरील वृत्त, जागतिक स्तरावरील घडामोडी, हवामान वृत्त आणि खगोलशास्त्राश, पुरातत्त्वं विभागाच्या संशोधनासंदर्भातील बातम्यांमध्ये त्यांना विशेष रुची आहे. भटकंती, सिनेमा, विज्ञान, खाद्यसंस्कृती हे त्यांच्या विशेष आवडीचे विषय आहेत.
...Read More